23.02.2026 | 18:00
Պապիկյանը Իրան է մեկնել // «Turkish Airlines»-ը ՀՀ-ից թռիչքներ կիրականացնի․ ԼՈՒՐԵՐ
Մտավորականներն այնպիսի բառապաշարով են խոսում սոցիալական ցանցերում, որ զարմանում ես. Աշոտ Մելիքյան. ՏԵՍԱՆՅՈՒԹ
Տեսանյութեր
26.01.2021 | 13:42
Եթե հասարակության կրթական և բարեվարքության մակարդակը բարձրանա, բոլորովին այլ պատկեր կլինի: Որքան հասարակության կուլտուրան ցածր մակարդակի է լինում, այնքան շատ են լինում հայհոյախառն արտահայտություններն ու գրառումները սոցիալական ցանցերում: Այս մասին «ԽԱՊԿ 2020թ. տարեկան զեկույցը` Հայաստանում խոսքի ազատության վիճակի և լրագրողների ու ԶԼՄ-ների իրավունքների խախտումների մասին» թեմայով ասուլիսում ասաց Խոսքի ազատության պաշտպանության կոմիտեի նախագահ Աշոտ Մելիքյանը:
«Քաղաքական գործիչները, հայտնի մարդիկ, մտավորականները, որոնցից հասարակությունը պետք է օրինակ վերցնի, այնպիսի բառապաշարով են հաղորդակցության մեջ մտնում սոցիալական ցանցերում, որ զարմանում ես»,- նշեց Աշոտ Մելիքյանը՝ ընդգծելով, որ դա ցույց է տալիս, որն նրանք այն մարդիկ չեն որոնցից կարելի է ինչ-որ բան սովորել, ուրեմն նրանք մտավորական չեն:
«Ուրեմն կասկածելի ուղի են անցել, եթե չեն կարողանում իրենց կառավարել և օրինակ ծառայել, թե ինչպես պետք է շփվել և բանավեճի մեջ մտնել: Առհասարակ մեզանում բանավեճի կուլտուրան բացակայում է կամ շատ ցածր մակարդակի վրա է: Մարդիկ երկրորդ հակաճառումից շատ հաճախ անցնում են հայհոյանքների: Եթե մարդն անցնում է հայհոյախոսության, ուրեմն ասելիք և փաստարկ չունի»,- նշեց Մելիքյանը:
Նրա խոսքով՝ այս ամենի դեմն առնելու համար և՛ կրթական, և՛ դաստիարակչկան երկարատև աշխատանքներ են անհրաժեշտ:
Մանրամասները՝ տեսանյութում:
