25.04.2026 | 13:54
Վաշինգտոնում, Չարլզ III թագավորի այցից առաջ, սխալմամբ Բրիտանական դրոշի փոխարեն կախել են Ավստրալիայի դրոշը
Արփի Դավոյանը վերահաստատում է, որ երկրի լրջագույն խնդիրն ընդդիմությունն է. ՏԵՍԱՆՅՈՒԹ
Քաղաքականություն
25.01.2021 | 14:30
Ի՞նչ է փոխվել իմ ելույթից հետո։ Ընդդիմությանը վերաբերող իմ կարծիքը որևէ փոփոխություն չի կրել։ ԱԺ-ում լրագրողների հետ զրույցի ժամանակ ասաց «Իմ քայլը» խմբակցության պատգամավոր Արփի Դավոյանը՝ անդրադառնալով իր այն ելույթին, որի ժամանակ ասել էր՝ երկրի լրջագույն խնդիրն ընդդիմությունն է։
Անդրադառնալով հարցին, թե ընդդիմությունն այս պահին երկրում ի՞նչ խնդիրներ է ստեղծում, Արփի Դավոյանն ասաց․ «Ցանկացած երկրում պետք է լինի առողջ ընդդիմություն և ընդդիմության առկայությունը պետության զարգացման կարևորագույն ինստիտուտներից մեկն է։ Պետությունում պետք է լինի ընդդիմություն և իշխանություն խոսույթ, սակայն չկա նման բան։ Ընդդիմությունն այսօր ունի միայն մեկ օրակարգ, և դա իշխանություն ստանձնելն է։ Այդ մարդիկ չունեն առողջ քննադատություն։ Նրանք իրենց խոսքը դրա շուրջն են կառուցում և երբ ընդդիմությունը նման տեքստերով է հանդես գալիս ժողովրդի առջև, այդ ընդդիմությունը չի կարող խնդիր չհամարվել»,- նշեց պատգամավորը։
Անդրադառնալով դիտարկմանը, որ խորհրդարանական ընդդիմությունը իշխանությանն է մեղադրում իրենց նախաձեռնությունների տապալման համար, Դավոյանն ասաց․ «Բազմաթիվ օրինագծեր էլ ներկայացնում են, որոնք միաձայն ընդունվում են։ Ո՞վ է ասել, որ ընդդիմության նախագծերը մերժվում են»:
Մանրամասները՝ տեսանյութում:
