15.12.2025 | 11:13
Սիդնեյում զինված հարձակումից հետո Ավստրալիայի վարչապետը մտադիր է խստացնել զենքի մասին օրենսդրությունը
Վարչապետի խոսքը մանիպուլացվել է. Ռուբինյանը՝ Շուշիին առնչվող հայտարարության մասին. ՏԵՍԱՆՅՈՒԹ
Քաղաքականություն
22.01.2021 | 16:50
Երեկ ԱԺ-կառավարություն հարցուպատասխանի ժամանակ վարչապետ Նիկոլ Փաշինյանը, պատասխանելով Նաիրա Զոհրաբյանի հարցին, հայտարարեց. «Շուշին հակամարտությունից և ազատագրումից առաջ ունեցել է 90 և ավելի տոկոս ադրբեջանական բնակչություն: Այսինքն, դուք ուզում եք ասել, որ 90 և ավելի տոկոս ադրբեջանական բնակչություն ունեցող Շուշի քաղաքը հայկակա՞ն էր իր այդ կարգավիճակով»:
ԱԺ արտաքին հարաբերությունների հանձնաժողովի նախագահ Ռուբեն Ռուբինյանը ԱԺ-ում լրագրողների հետ զրույցում անդրադառնալով դիտարկմանը, որ Փաշինյանի այդ ելույթը ադրբեջանական ԶԼՄ-ների առաջին էջերում հայտնվեց, և հարցին՝ հիմա Շուշին հայկակա՞ն է, թե՞ ադրբեջանական՝ պատասխանեց. «Վարչապետի ելույթն ամբողջովին խեղաթյուրված է ներկայացվել և՛ մամուլում, և՛ տարբեր ընդդիմադիր քաղաքական գործիչների խոսքում: Շուշին պատմական հայկական քաղաք է և դա պատմագիտական փաստ է»:
Ռուբինյանը նշեց, որ պատերազմից առաջ՝ 1987 թվականի դրությամբ Շուշիի բնակչության մոտ 90 տոկոսն ադրբեջանցիներ էին, հետևաբար, ենթադրյալ վերադարձի դեպքում Շուշիի բնակչությունը պետք է դառնար 90 տոկոսով ադրբեջանական: Ըստ Ռուբինյանի, Փաշինյանի ասածը եղել է հետևյալը՝ եթե ես համաձայնեի Շուշի փախստականների վերադարձին, արդյոք Շուշին կմնա՞ր հայկական. «Դուք ասեք՝ այս խոսակցությունն ընդհանրապես Շուշիի՝ հայկական լինել կամ չլինելո՞ւ մասին էր, թե՞ փախստականների վերադարձի արդյունքում Շուշիի փաստացի վերահսկողության: Ընդդիմադիր հատվածի և մամուլի մի զգալի հատված գիտակցաբար խեղաթյուրել է վարչապետի խոսքը»:
Մանրամասները՝ տեսանյութում:
