23.02.2026 | 12:34
Երևան-Աբովյան ճանապարհին բախվել են «ԳԱԶել» միկրոավտոբուսն ու «Նիսան»-ը. 3 ուղևոր հոսպիտալացվել է
Ձերբակալված Ալեքսեյ Նավալնիի փաստաբաններին թույլ չեն տվել տեսակցել նրան
Քաղաքականություն
18.01.2021 | 10:58
Ռուս ընդդիմադիր քաղաքական գործիչ Ալեքսեյ Նավալնին, որը Գերմանիայում բուժում էր ստանում «Նովիչոկով» թունավորումից հետո, Ռուսաստան վերադառնալուց անմիջապես հետո ձերբակալվել էր։ Գիշերը՝ Մոսկվայի ժամանակով ժամը 23։33-ին Նավալնիի՝ տարածաշրջանային շտաբերի ղեկավար Լեոնիդ Վոլկովը հայտնել է, որ փաստաբանը չգիտի, թե որտեղ է գտնվում Նավալնին։ Սակայն այսօր ընդդիմադրի կողմնակիցները հայտնել են, որ նա գտնվում է Խիմիկի քաղաքի ՌԴ ՆԳՆ ոստիկանության վարչության երկրորդ բաժանմունքում։ Հենց այստեղ է Նավալնին անցկացրել գիշերը։ Փաստաբաններին թույլ չեն տվել տեսակցել քաղաքական գործչին, գրում է Meduza-ն։
Հիշեցնենք՝ հունվարի 17-ի երեկոյան նա Բեռլինի օդանավակայանից ժամանել է Շերեմետևո օդանավակայան։ Սահմանապահ ծառայության աշխատակիցները ձերբակալել են ընդդիմադիր գործչին անձնագրային ստուգում անցնելու ժամանակ, ինչից հետո նրանց են մոտեցել ոստիկանները, որոնք գործել են Պատիժների կատարման դաշնային ծառայության հրահանգով։ Քաղաքական գործչի փաստաբան Օլգա Միխայլովային թույլ չեն տվել գնալ նրա հետ։
Видео задержания Навального pic.twitter.com/6E26RrmF3x
— Дождь (@tvrain) January 17, 2021
Հիշեցնենք՝ Նավալնիին ձերբակալել են, քանի որ 2020 թվականի դեկտեմբերի 29-ից նա գտնվում էր հետախուզման մեջ։ Պատիժների կատարման դաշնային ծառայությունից հայտարարել էին, որ «Իվ Ռոշե»-ի գործով պատիժը կրող Նավալնին գտնվել է հետախուզման մեջ ՝ «փորձաշրջանի բազմաթիվ խախտումների համար»։
