09.08.2026 | 22:30
Արթուր Ղարիբյանը հաղթական դուբլ է գրանցել «Զենիթի» դեմ խաղում. ՏԵՍԱՆՅՈՒԹ
Սերժ Սարգսյանը վաղը կառաջարկի Հայաստանի չորրորդ նախագահի թեկնածուին, նրա անունն անակնկալ չի լինի. Էդուարդ Շարմազանով
18.01.2018 | 22:11
- ՀՀԿ առաջնորդ, նախագահ Սերժ Սարգսյանը վաղը կհայտարարի չորրորդ նախագահի ՝ ՀՀԿ թեկնածուի անունը: Այս մասին ՀՀԿ գործադիր մարմնի նիստի ավարտին հայտարարեց ԱԺ փոխնախագահ, ՀՀԿ մամուլի խոսնակ Էդուարդ Շարմազանովը. «ՀՀԿ ԳՄ նիստում ՀՀԿ-ն քննարկել է նախագահի մեկ թեկնածուի հարց, այդ թեկնածուն կարծում ենք լավագույնս կարող է ներկայացնել Հայաստանը և՛ երկրի ներսում, և՛ միջազգային ատյաններում: Ունի երկար աշխատանքային փորձ, մտավոր բարձր կարողություններ, լեզուների իմացություն, կարծում ենք, որ նա ունի դրական հեղինակություն և՛ Սփյուռքում, և՛ ՀՀ-ում»,-ասաց Շարմազանովը:
Նա հայտնեց, որ ՀՀԿ-ն քննարկել է միայն մեկ թեկնածություն՝ Հայաստանի Հանրապետության չորրորդ նախագահի պաշտոնում առաջադրելու համար: Այդ թեկնածությունը առաջարկել է Սերժ Սարգսյանը. «Հույս ունենք, որ մեր թեկնածուն այն թեկնածուն է, որը կարող է հավակնել ընդդիմության առնվազն մի հատվածի դրական վերաբերմունքին», – ասաց Շարմազանովը:
Նա նաև հավելեց, որ որևէ անակնկալ բան չկա․ առաջադրելու են մի անձի, որի անունը շատերը հավանական համարել են:
