10.08.2026 | 14:48
ՌԴ Գերագույն դատարանը քննում է «Յաբլոկո»-ի մասնակցությունը Պետդումայի ընտրությունների թույլ չտալու մասին հայցը
Ամանորյա օրերին շտապօգնության կանչերը, նախորդ տարվա համեմատ, նվազել են․ սննդային թունավորման դեպքեր չեն արձանագրվել
Հասարակություն
11.01.2021 | 18:12
Այս տարի ամանորյա օրերն ավելի հանգիստ են անցել․ Երևանում շտապօգնության կանչերը, 2019 թվականի նույն ժամանակահատվածի համեմատ, նվազել են։ Այս մասին այսօր լրագրողների հետ զրույցում տեղեկացրեց Երևանի «Շտապօգնություն» ՓԲԸ տնօրեն Թագուհի Ստեփանյանը։
«Այս տարի ամանորյա օրերին սպասարկել ենք 1․377 կանչով ավելի քիչ, քան նախորդ տարի։ Ընդհանուր առմամբ՝ կանչերի թիվը կազմել է 6․533, հիվանդանոց է տեղափոխվել 1․204 հիվանդ, ինչը 453-ով ավելի քիչ է նախորդ տարվանից»,- նշեց Ստեփանյանը։
Վերջինի խոսքով՝ նվազել են մանկական կանչերը, ինչպես նաև երեխաներին հիվանդանոց տեղափոխելու դեպքերը։
«Սննդային թունավորումներ ընդհանրապես չենք ունեցել, ալկոհոլային թունավորումների թիվը կազմել է 27 դեպք, որոնցից 20-ը տեղափոխվել է հիվանդանոց»,- մանրամասնեց Ստեփանյանը։
