18.11.2024 | 23:35
ԵՄ-ն ծրագրում է «քաղաքական առաքելություն» ուղարկել Վրաստան. Բորել
Զբոսավարից՝ օտարերկրյա լրագրողներին ամենաթեժ կետեր ուղեկցողներ․ պատերազմի մյուս կողմը. ՏԵՍԱՆՅՈՒԹ
Հասարակություն
09.01.2021 | 17:00
Զբոսավար Յաշա Սոլոմոնյանը սեպտեմբերի 26-ից Ստեփանակերտում էր․ Արցախում զբոսաշրջության դասընթացներ էր անցկացնում։ Պատերազմն ընդհատեց դասընթացները։ Նույն օրը թիմը վերադարձավ Հայաստան և գնաց զինկոմիսարիատ։ Այնտեղ Յաշային և ընկերներին ասացին՝ պիտի սպասեք։
Սպասելու ընթացքում Յաշան որոշեց օգտակար լինել։ Դիմեց ԱԳՆ՝ իր օգնությունն առաջարկելով։ Սկզբում թարգմանություններ էր անում, հետո արդեն միջազգային լրատվամիջոցների թղթակիցներին էր Արցախում ուղեկցում։
Արցախում արկերից խուսափել հաջողվեց, վարակից՝ ոչ։ Արցախից վերադառնալիս որոշեց թեստավորվել․ տանը իրեն սպասում էին փոքրիկ տղան և հղի կինը։ Թեստի պատասխանը դրական էր։ Յաշան ասում է՝ վարակվելուն այլընտրանք չկար։
Յաշա Սոլոմոնյանը ականատեսի աչքով փաստում է՝ Արցախում ջուր և հոսանք արդեն կա, բայց հակահամաճարակային կանոնների պահպանումն այնքան էլ հուսադրող չէ։
Մանրամասները՝ տեսանյութում։
Իրինա Մկրտչյան
Տեսանյութը պատրաստվել է Տեղահանված և տեղի բնակչության տնտեսական և սոցիալական մասնակցություն ծրագրի շրջանակում՝ Գերմանական միջազգային համագործակցության ընկերության (ԳՄՀԸ) աջակցությամբ ու Գերմանայի Տնտեսական համագործակցության և զարգացման պետական նախարարության, Վրաստանի Զավթված տարածքների, ներքին տեղահանվածների աշխատանքային, առողջապահական և սոցիալական հարցերով նախարարության և «Դոյչէ Վելլե» ակադեմիայի հետ համագործակցության շրջանակում։
ԳՄՀԸ–ն չի կրում որևէ պարտավորություն կամ պատասխանատվություն տվյալ նյութի հստակության, իրավունակության և վստահելիության հարցում։
