26.04.2026 | 21:21
Իրավիճակը Մալիում․ մահացել է պաշտպանության նախարարը, երկրում թեժ մարտեր են
Ադրբեջանում շարունակում են թաքցնել իրական կորուստները․ երկրում «Անհայտ զինվորի» գերեզմաններ են հայտնվել
Հասարակություն
28.12.2020 | 19:30
Ադրբեջանում հայտնվել են Արցախյան այս պատերազմում զոհվածների՝ «Անհայտ զինվոր» գրությամբ գերեզմաններ։ Սոցցանցերի ադրբեջանական տիրույթում տարածված լուսանկարներից երևում է, որ «Շեհիդների պուրակում» անանուն զինվորի գերեզմաններ կան։ Նշվում է, որ հավանական է՝ դրանք եղբայրական գերեզմաններ են։
Բացառված չէ, որ Ադրբեջանի իշխանություններն այսպես փորձում են թաքցնել մարդուժի իրենց կորուստների իրական թիվը։
Նշենք, որ ի սկզբանե Ադրբեջանի ՊՆ-ն հայտարարեց, որ Արցախյան այս պատերազմում ունեն 2․783 զոհ, 100 անհետ կորած, հոսպիտալում էլ բուժվում է 1․245 վիրավոր։ Դեկտեմբերի 21-ին էլ Ադրբեջանի ՊՆ-ն հրապարակել էր զոհված 2․802 զինծառայողի անուններն ու տվյալները, որոնք հուղարկավորվել են։ Բացի այդ՝ հաղորդվեց, որ աշխատանքներ են տարվում անհետ կորած 40 զինծառայողների որոնման ու 60-ի իդենտիֆիկացման ուղղությամբ։
Ստացվում է, որ հուղարկավորված 2․802-ի տվյալները հայտնի են, իսկ «Անհայտ զինվոր» գրությամբ գերեզմաններն այդ հաշվարկից դուրս են։
Նշենք, որ հայկական կողմի տվյալներով ու տարբեր փորձագետների կարծիքով՝ ադրբեջանական կողմի կորուստները մի քանի անգամ ավելի մեծ են պաշտոնապես ներկայացվածից։
Էմմա Չոբանյան
