17.09.2026 | 17:20
Եղիշե Մելիքյանը հրապարակել է Հայաստանի հավաքականի կազմը
Ռուսական բանակն ամրապնդում է իր դիրքերը Սիրիայի հյուսիսում՝ թուրքամետ ուժերի առաջխաղացման ֆոնին ․ Al-Masdar News
Քաղաքականություն
28.12.2020 | 15:28
«Սիրիայի դեմոկրատական ուժեր» արաբ-քրդական դաշինքի հրամանատարությունը , որում գլխավոր դերակատարությունը խաղում են քրդական ինքնապաշտպանական ուժերի ջոկատները, համաձայնել է Ռաքքա նահանգի հյուսիսում ռազմավարական նշանակության դիրք զբաղեցնող Այն-Իսա քաղաքը մոտ ժամանակներս փոխանցել Սիրիայի իշխանական ուժերի ու ռուսական զինվորականների վերահսկողությանը։ Այս մասին հայտնում է Al-Masdar News-ը՝ հղում կատարարելով իր քրդական աղբյուրներին։
Sputnik Arabic-ին տված հարցազրույցում քուրդ փորձագետ Օմար Ռախմոնը հայտել է համաձայնության մասին, որը կնքվել է անցած կիրակի օրը Այն-Իսայում։ Տեղեկացվում է, որ մի քանի օր շարունակ բանակցելուց հետո «Սիրիայի դեմոկրատական ուժերը» համաձայնել են քաղաքը հանձնել ռուսական կողմին ու սիրիական բանակին։ Ռախմոնի խոսքով՝ համաձայն առկա տեղեկություններին՝ Թուրքիայի ԶՈւ-ն պատրաստվում էր հարվածներ հասցնել քաղաքին , սակայն քաղաքը ռուսական ուժերին ու սիրիական բանակին հանձնելու մասին որոշումից հետո գրոհները կանխվել են։
Al-Masdar News-ը նշում է, սակայն, որ չնայած Ռախմոնի հայտարարությանը՝ դեկտեմբերի 28-ի գիշերը Թուրքիայի աջակցությունը վայելող զինյալները գրոհել են Ալ-Մուշարիֆի շրջանում քրդական դիրքերը՝ մի քանի տասնյակ արկեր արձակելով Այն-Իսայից ոչ հեռու գտնվող այս գյուղի ուղղությամբ։
Տաթև Ֆռանգյան
