19.12.2025 | 03:00
Կոնֆերենցիաների լիգա. «Նոայի» հավանական մրցակիցները փլեյ-օֆֆում
Կորոնավիրուսի դեպքում ևս հակապատվաստումային մեծ ալիք կլինի․ դա նաև կունենա լուրջ քաղաքական կոնտեքստ․ Դավիթ Մելիք-Նուբարյան. ՏԵՍԱՆՅՈՒԹ
25.12.2020 | 14:41
Պատվաստումը տասնամյակներ շարունակ փրկել է հազարավոր մարդկանց կյանքեր, դա միանշանակ օգտակար է: Եվ հիմք չկա ենթադրելու, որ կորոնավիրուսի դեմ պատվասումը նույնպես չի օգնելու: Կարևոր է նախապատրաստվել պատվաստմանը և ունենալ մանրամասն ծրագիր: «Հայաստանը COVID-19-ի թեստ հանձնեց. ինչպիսի՞ն էր պատասխանը» առցանց քննարկման ժամանակ նշեց հանրային առողջության մասնագետ, Երևանի Մխիթար Հերացու անվան պետական բժշկական համալսարանի Հանրային առողջության և առողջապահության ամբիոնի դասախոս Դավիթ Մելիք-Նուբարյանը:
Անդրադառնալով հարցին, թե հաշվի առնելով պատվաստանյութերի առկայությունը՝ ինչ սցենարներ կարելի է կանխատեսել, Դավիթ Մելիք-Նուբարյանը նշեց, որ անհրաժեշտ է մարդկանց հետ հաղորդակցվել և աշխատանք տանել, քանի որ պապիլոմավիրուսի դեմ պատվաստման անհաջող փորձ եղավ:
«Կարծում եմ այդ անհաջող փորձի դասերը պետք է հաշվի առնել և մարդկանց ճիշտ մեսիջներ ուղղելով՝ նրանց նախապատրաստել: Կարող ենք ենթադրել, որ կորոնավիրուսի դեպքում ևս հակապատվաստումային մեծ արշավ կլինի, և դա նաև կունենա լուրջ քաղաքական կոնտեքստ, ինչպես եղավ Գարդասիլի կիրառման փորձի ժամանակ»,-նշեց Մելիք Նուբարյանը:
Մանրամասները՝ տեսանյութում:
