02.11.2026 | 10:56
Սիսիանում զբոսայգիների տարածքներից 16 հողամաս վերադարձվել է համայնքին․ Վարդապետյանը հանձնարարականներ է տվել
Ադրբեջանն ավելացնում է պաշտպանության ու ազգային անվտանգության ծախսերը
Քաղաքականություն
23.12.2020 | 18:13
Ադրբեջանի 2021թ․ պետական բյուջեում նախատեսվում է պաշտպանության ու ազգային անվտանգության ծախսերի ավելացում։ Հաջորդ տարվա բյուջեով պաշտպանության ու անվտանգության համար նախատեսվում է հատկացնել 4 մլրդ 585 մլն մանաթ։
Օրենքի համաձայն՝ պաշտպանության համար կհատկացվի 1 մլրդ 934 մլն մանաթ, ազգային անվտանգությանը՝ 260 մլն 612 հազար մանաթ, սահմանապահ ծառայությանը՝ 281 մլն 620 հազար մանաթ, պաշտպանության ու ազգային անվտանգության ոլորտի ուսումնասիրություններին՝ 3 մլն 901 հազար մանաթ, պաշտպանությանն ու ազգային անվտանգությանն առնչվող գործունեության մյուս ոլորտներին՝ 2 մլրդ 105 մլն մանաթ։
Ընդհանուր առմամբ, պաշտպանության ու ազգային անվտանգության, դատական իշխանության, իրավապահ մարմինների ծախսերը կազմելու են 2021թ․ բյուջեի 23․4 տոկոսը, ինչը 2․5 տոկոսով ավելին է 2020 թվականի ծախսերից։ Իսկ ահա պաշտպանությանն ու ազգային անվտանգության ուղղված ծախսերը 2020 թվականի ծախսերից ավելի են 20․5 տոկոսով։
Էմմա Չոբանյան
