19.12.2025 | 18:00
Թող դատի՛ տան, եթե ԿԳԲ-ի ագենտ լինելու մեղադրանքը զրպարտանք է, կտեսնեն՝ դատարանում ինչ կկատարվի․ ՏԵՍԱՆՅՈՒԹ
Սերժ Սարգսյանը Հայաստանի քաղաքական դաշտի ամենաազդեցիկ գործիչն է. Շարմազանով
Քաղաքականություն
16.01.2018 | 16:10
ԱԺ փոխնախագահ Էդուարդ Շարմազանովը արտառոց չի համարում «Ծառուկյան» խմբակցության ղեկավար Գագիկ Ծառուկյանի հայտարարությունը, որ իր համար անփոխարինելի մարդիկ չկան։
«Բոլորն էլ իրավունք ունեն ազատ արտահայտել իրենց կարծիքը։ Իսկ ի՞նչ պարտադիր է, որ մեր և պարոն Ծառուկյանի, մեր և պարոն Փաշինյանի, մեր ու այլոց կարծիքները համընկնեն բոլոր հարցերում։ Ես հարգում եմ բոլորի կարծիքները՝ անկախ նրանից, թե դրանց հետ համամիտ ե՞մ, թե՞ ոչ», – այսօր խորհրդարանում լրագրողների հետ զրույցում անդրադառնալով «Ծառուկյան» խմբակցության ղեկավար Գագիկ Ծառուկյանի հայտարարությանը՝ ասաց ԱԺ փոխնախագահ Էդուարդ Շարմազանովը:
Այսօր ավելի վաղ, պատասխանելով Factor.am-ի հարցին՝ արդյոք նախագահ Սերժ Սարգսյանին՝ որպես երկրի ղեկավար անփոխարինելի համարում է, Գագիկ Ծառուկյանն ասել էր՝ իր համար անփոխարինելի մարդիկ գոյություն չունեն:
«Իսկ ինչ վերաբերում է իմ գնահատականներին, ես մեկ անգամ չէ, որ ասել եմ՝ այո, կան անփոխարինելի գործիչներ։ Անփոխարինելի գործիչ, ըստ իս, նշանակում է, որ եթե այդ գործիչը չլիներ, ապա մարդկությունը կամ ոլորտը շատ բան կկորցներ։ Մի պահ պատկերացրեք՝ խորհրդարանը՝ առանց Վահան Հովհաննիսյանի, անկախության շարժումն առանց Պարույր Հայրիկյանի և Ազատ Արշակյանի կամ Ռազմիկ Զոհրաբյանի, ֆուտբոլը՝ առանց Հենրիխ Մխիթարյանի և այլն։ Սա է իմ կարծիքը», – հավելեց Շարմազանովը։
Մանրամասները՝ տեսանյութում:
