22.05.2026 | 23:50
Անդրանիկ Թևանյանի նկատմամբ հարուցվել է քրեական հետապնդում պետական դավաճանության հանցակազմի հատկանիշներով
Ալիևը հայտարարել է, թե ԼՂ հակամարտության մասին կարելի է արդեն խոսել բացառապես անցյալ ժամանակով
Քաղաքականություն
18.12.2020 | 14:21
Լեռնային Ղարաբաղի հակամարտության մասին կարելի է արդեն խոսել բացառապես անցյալ ժամանակով։ Այս մասին ԱՊՀ երկրների ղեկավարների խորհրդի նիստի ժամանակ ունեցած ելույթում հայտարարել է Ադրբեջանի նախագահ Իլհամ Ալիևը։
«Ես ամբողջությամբ համաձայն են Վլադիմիր Պուտինի հետ այն հարցում, որ խոսելով ղարաբաղյան հակամարտության մասին՝ պետք է արդեն ասենք, որ այն եղել է անցյալում։ Սա արդեն պատմություն է»,- նշել է նա։
Ալիևը նաև շարունակել է սպառնալիքներ հնչեցնել, իսկ ԼՂ-ի վերաբերյալ Պուտինի հայտարարությունը «կարևոր ազդանշան է» անվանել այն ուժերին, որոնք ցանկանում են խանգարել եռակողմ համաձայնագրի իրականացմանը։
Հիշեցնենք՝ նոյեմբերի 17-ին ռուսական «Россия 24»-ին տված հարցազրույցում ՌԴ նախագահը հայտարարել էր, որ եթե հայկական կողմը հրաժարվի ԼՂ-ի շուրջ ձեռք բերված կրակի դադարեցման համաձայնագրից, մեծ սխալ ու «ինքնասպանություն» կլինի։
Հավելենք նաև, որ ՀՀ վարչապետ Նիկոլ Փաշինյանը չի մասնակցում ԱՊՀ երկրների ղեկավարների գագաթնաժողովին՝ հոր՝ Վովա Փաշինյանի մահվան հետ կապված։
Տաթև Ֆռանգյան
