18.05.2024 | 22:23
Աշխաբադում բացվել է Սայաթ-Նովայի արձանը
Նվեր արցախցի մանուկներին. «Սառցե սիրտը» մուլտֆիլմը՝ մեծ էկրանին, կենդանի երաժշտությունը՝ սիմֆոնիկ նվագախմբի կատարմամբ
Մշակույթ
17.12.2020 | 13:48
Հայաստանի պետական սիմֆոնիկ նվագախումբը հաղորդագրություն է տարածել, որում ասվում է.
«Արցախի մեր մանուկները 2020 թվականին ստիպված եղան հաղթահարել բազում դժվարութուններ, իսկ նրանցից շատերը դեռևս անցնում են հետպատերազմական զրկանքների միջով։ Այսօր մեզնից յուրաքանչյուրը փորձում է անել ամեն բան՝ փոքր ինչ գունավորելու նրանց տարեվերջյան տրամադրությունը։
Հայաստանի պետական սիմֆոնիկ նվագախումբը, Կ․ Դեմիճյանի անվան մարզահամերգային համալիրը և Sure. օնլայն հարթակը, «Ներդաշնակ մանկություն» բարեգործական հիմնադրամը և «Զապոմնի» ընկերությունը դեկտեմբերի 24-ից 27-ը՝ ժամը 14:00-ին, կազմակերպում են «Disney» կինոստուդիայի օսկարակիր «Սառցե սիրտը» (Frozen) մուլտֆիլմի ցուցադրություն մեծ էկրանին, որի երաժշտական մասերը կկատարվեն մեր նվագախմբի կողմից։
Նվագախումբը կվարի ռուս դիրիժոր Միխայիլ Գոլիկովը, իսկ մեներգչուհի Կարինա Ադեգամովան կկատարի մեներգային հատվածները։ Այս հիշարժան բարեգործական միջոցառման հրավիրատոմսերն առաջնահերթ կերպով կբաշխվեն Արցախից տեղահանված և Հայաստանում դեռևս օթևանող, ինչպես նաև 44-օրյա պատերազմի մարտական գործողություններում զոհված մեր հայրենակիցների երեխաներին»։
