12.08.2026 | 00:10
«Արարատ-Արմենիան» դուրս մնաց Չեմպիոնների լիգայից. ՏԵՍԱՆՅՈՒԹ
Կարեն Կարապետյանը շարունակում է պայքարը ապրիլից հետո վարչապետի պաշտոնում մնալու համար. «Ժամանակ»
16.01.2018 | 10:05
«Ժամանակ» թերթը գրում է.
«Կարեն Կարապետյանը շարունակում է պայքարը ապրիլից հետո վարչապետի պաշտոնում մնալու համար և ուզում է ցույց տալ, որ ինքը դուրս չի եկել մրցակցությունից ու ամենևին մտադիր չէ հանձնվել: Երեկ Պետական եկամուտների կոմիտեի ղեկավար կազմի հետ հանդիպման ժամանակ, անդրադառնալով այդ մարմնի ապագա անելիքներին, նա ասել է. «18 թվականին պետք է շատ հետևողական լինենք, 18, 19, 20 թվականները doing business-ով, բիզնես անելու առումով Հայաստանը պետք է սարքենք ուղղակի մաքսիմալ օրինակելի, նախանձելի երկիր»:
Կարապետյանի խոսքից կարելի է հասկանալ, որ նա պատրաստվում է առնվազն մինչև 2020թ. մնալ կառավարության ղեկավար, որովհետև այդ դեպքում կարող է ասել՝ Հայաստանը պետք է սարքենք: Չնայած Հայաստանը սարքելու գործին կարելի է մասնակցել փոխվարչապետի կարգավիճակում, թե՞ դրանից շինարարության որակը մի քիչ կարող է տուժել»:
Առավել մանրամասն՝ թերթի այսօրվա համարում:
