Քաղաքականություն
14.12.2020 | 18:17Ոստկանությունում սեփական դիմումի համաձայն ազատվելու պրոցեսը անընդհատ պրոցես է, միշտ եղել է, կա և կլինի: Այս մասին Factor.am-ի հետ զրույցում ասաց «Իմ քայլը» խմբակցության պատգամավոր Արմեն Խաչատրյանը՝ անդրադառնալով դիտարկմանը, որ ոստիկանությունից սեփական դիմումի համաձայն՝ ազատումները շարունակվում են՝ հաշվի առնելով երկրում ստեղծված իրավիճակը և բողոքի ակցիաները: Ինչով է պայմանավորված համակարգը լքելու միտումը և արդյոք դա չի անդրադառնա ոստիկանության աշխատանքի վրա:
«Պատերազմի օրերին որևէ մեկը չի ազատվել ծառայությունից, թեև անձնական տարբեր պատճառներով եղել են դիմումներ, օրինակ՝ այլ աշխատանքի անցնելու նպատակով և այլն, և այդ դիմումները հավաքվել են պատերազմից հետո, հիմա են ներկայացնում:
Բացի դրանից՝ երեք-չորս դեպք իմացա, որ մարդիկ դուրս են գալիս ոստիկանությունից՝ ասելով, որ անարդարության ետ չեն կարող հաշտվել և այլն:
Ընդհանրապես սպան երբ անարդարության խնդիր է տեսնում, պարտավոր է զեկուցել այդ մասին և այն դարձնել քննարկման առարկա: Ցանկացած սպա, երբ որ խախտում, հանցագործություն, այդ թվում նաև անարդարացի իրավիճակ է տեսնում, նա պարտավոր է այն մանրամասն ներկայացնել և քննարկման առարկա դարձնել»,- նշեց Խաչատրյանը:
Նա նաև ընդգծեց, որ պատիվ ունեցող սպան ֆեյսբուքյան գրառումներ չի անում, այլ փորձում է եղած խնդիրը վերացնել:
Մանրամասները՝ տեսանյութում:
