30.06.2026 | 22:34
Ուկրաինայում ռուսական ավիահարվածից ադրբեջանցի ուսանողուհի է մահացել. պատերազմից ի վեր ավելի քան 130 ադրբեջանցի է զոհվել
ՃՏՊ Երևանի Աբովյան-Պուշկին խաչմերուկում. 2 տուժած հոսպիտալացվել է
12.12.2020 | 11:42
Դեկտեմբերի 11-ին, ժամը 23:31-ին Ճգնաժամային կառավարման ազգային կենտրոն ահազանգ է ստացվել, որ Երևանի Աբովյան և Պուշկինի փողոցների խաչմերուկում տեղի է ունեցել ՃՏՊ. կա տուժած:
Դեպքի վայր է մեկնել ԱԻՆ ՓԾ փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական խումբը։
Պարզվել է, որ բախվել են «Toyota Camry» (վարորդ` Տիգրան Բ., ծնված 1990 թ․) և « Kia Forte» (վարորդ՝ Արտակ Խ․) մակնիշների ավտոմեքենաները։
Փրկարարները հոսանքազրկել են ավտոմեքենաները և «Toyota Camry» մակնիշի ավտոմեքենայի վարորդին և «KIA forte» մակնիշի ավտոմեքանայի ուղևոր Լուիզա Մ․-ին (ծնված 1999 թ․) մոտեցրել շտապօգնության ավտոմեքենային․ վերջիններս տարբեր աստիճանի մարմնական վնասվածքներով հոսպիտալացվել են «Հերացի» թիվ 1 համալսարանական հիվանդանոց։ Բժիշկները նրանց առողջական վիճակը գնահատել են բավարար։
