01.04.2026 | 19:20
Փաշինյանը հակադարձեց Պուտինին․ «Չենք կարողանում բացատրել մեր ժողովրդին, ինչու ՀԱՊԿ-ը չարձագանքեց». ՏԵՍԱՆՅՈՒԹ
ԵՄ-ն դժվար թե առևտրային գործարք կնքի Մեծ Բրիտանիայի հետ․ BBC
Քաղաքականություն
11.12.2020 | 18:07
Եվրոպացի առաջնորդները, այդ թվում նաև Ֆրանսիայի նախագահ Էմանուել Մակրոնը և Գերմանայի կանցլեր Անգելա Մերկելը հայտարարել են, որ ԵՄ-ն դժվար թե առևտրային գործարք կնքի Մեծ Բրիտանիայի հետ մինչև վերջնաժամկետը՝ կիրակի օրը, գրում է BBC-ն:
Եվրոպական հանձնաժողովի նախագահ Ուրսուլա ֆոն դեր Լեյենը հայտարարել է, որ դաշինքի 27 առաջնորդների բանակցությունները «բարդ» են եղել:
Դեկտեմբերի 31-ին Մեծ Բրիտանիան դադարեցնում է ԵՄ առևտրային կանոնների պահպանումը, համաձայնության հասնելու համար սահմանված ժամանակը սպառվում է:
Մեծ Բրիտանիայի վարչապետ Բորիս Ջոնսոնը հայտարարել է, որ գործարք չկնքելու «մեծ հավանականություն» կա:
Շաբաթներ շարունակ տևած ինտենսիվ բանակցությունների արդյունքում հնարավոր չի եղել հաղթահարել առանցքային ոլորտներում առկա խոչընդոտները, ներառյալ մրցակցության կանոնները և ձկնորսությամբ զբաղվելու իրավունքները:
Տաթև Ֆռանգյան
