17.09.2026 | 17:53
Վարչապետի գլխավորությամբ քննարկվել է 2027 թ. պետբյուջեի նախագիծը
Թուրքիան սպառնում է վրեժխնդիր լինել, եթե լիբիական բանակն ազատ չարձակի թուրքական նավը
Քաղաքականություն
10.12.2020 | 16:05
Թուրքիան սպառնում է վրեժ լուծել, եթե Լիբիայի ազգային բանակն ազատ չարձակի Միջերկրական ծովում իր կողմից պահվող թուրքական նավը։ Անկարային նշել են, թե նավին պետք է թույլատրալ շարունակել ճանապարհը դեպի Լիբիայի արեւմուտք, գրում է Al-Masdar News-ը։
Լիբիայի ազգային բանակն իր հերթին հայտարարել է, որ կանգնեցրել է Յամայկայի դրոշի ներքո նավարկող թուրքական Mabrouk նավը, որը շարժվում էր դեպի Միսրատա նավահանգիստ: Թուրքական աղբյուրները հայտնել են, որ նավով դեղեր ու բժշկական ապրանքներ են տեղափոխվում:
Թուրքիայի ԱԳՆ-ի տարածած հաղորդագրությունում նշվում է, որ անմիջապես քայլեր է պետք ձեռնարկել՝ ապահովելու նավի հետագա երթուղին։ Զգուշացվել է, որ Լիբիայում Թուրքայի շահերը թիրախավորողները կդասվեն «օրինական թիրախների շարքում, իսկ սա նշանակում է, որ ՄԱԿ-ի հովանու ներքո կա քաղաքական գործընթաց»:
Լիբիացի քաղաքական վերլուծաբան Ահմեդ Ալ-Ֆիթուրին Sputnik World-ին տված հարցազրույցում ասել է, որ «նավի կալանավորմանը նման բազմաթիվ միջադեպեր անցել են առանց բարդությունների կամ իրավիճակի սրման, իսկ Թուրքիայի նման դիրքորոշումն ավելի շատ ճնշման նպատակ է հետապնդում, քան պատերազմական գործողությունների սկսում»:
Տաթև Ֆռանգյան
