14.01.2026 | 21:13
Փաշինյանը ծանոթացել է Դեղերի և բժշկական տեխնոլոգիաների փորձագիտական կենտրոնի բարելավված պայմաններին
Հակակոռուպցիոն նոր մարմնի ստեղծումը չի երաշխավորում դրա արդյունավետությունը. Գևորգ Կոստանյան
Քաղաքականություն
30.05.2017 | 18:31
Նախկին գլխավոր դատախազ Գևորգ Կոստանյանը միանշանակ չի հավատում, որ արդարադատության նախկին նախարար, ԱԺ փոխնախագահ Արփինե Հովհաննիսյանի առաջարկով ստեղծվող կոռուպցիայի կանխարգելման հարցերով նոր մարմնի ստեղծումը նշանակելու է կոռուպցիայի դեմ արդյունավետ պայքար:
«Մենք կարող ենք ստեղծել այդպիսի 10 մարմին, բայց դա չի նշանակում, որ այդ մարմնի ստեղծման հանգամանքը կարող է նպաստել կոռուպցիայի դեմ պայքարի արդյունավետությանը». ԱԺ-ում լրագրողների հետ զրույցում ասաց հանրապետական պատգամավորը:
Նախկին գլխավոր դատախազ Գևորգ Կոստանյանն այսպիսի կարծիք է հայտնել Բարձրաստիճան պաշտոնյաների էթիկայի հանձնաժողովի հիման վրա հակակոռուպցիոն մարմին ստեղծելու կառավարության որոշման մասին: «Մենք պետք է տեսնենք, թե արդյոք այդ մարմնի գործունեության սկզբունքները, այդ մարմնի ստեղծման և ձևավորման հանգամանքները տալի՞ս են արդյունավետ գործելու այդ հնարավորությունը: Այո, այստեղ խոսում ենք քաղաքական կամքի մասին: Այս մարմնի ստեղծումն ինքնին նշանակում է, որ երկրում քաղաքական կամքն այնպիսին է, որ առաջ ենք գնում՝ կոռուպցիայի դեմ պայքարի մեխանիզմների ճշտության և հստակության տեսակետից»,- նշեց ԱԺ պատգամավորը:
Մարմամասները դիտեք տեսանյութում:
Մարինե Խառատյան
