18.11.2024 | 23:35
ԵՄ-ն ծրագրում է «քաղաքական առաքելություն» ուղարկել Վրաստան. Բորել
Չեմ հասկանում՝ ես ի՞նչ կապ ունեմ էս ամեն ինչի հետ․ Առուստամյանի պատասխանը՝ Բաբաջանյանին. ՏԵՍԱՆՅՈՒԹ
Քաղաքականություն
10.12.2020 | 12:12
Ազգային ժողովում քննարկվում է Հաշվեքննիչ պալատի անդամի ընտրության հարցը: ԱԺ Ֆինանսավարկային հարցերի հանձնաժողովը այդ պաշտոնում առաջադրել է Կարեն Առուստամյանի թեկնածությունը:
Առուստամյանն իր ելույթում անդրադարձավ անկախ պատգամավոր Արման Բաբաջանյանի դիտարկումներին: Բաբաջանյանը կարծիք էր հայտնել, որ Հաշվեքննիչ պալատը ղեկավարում են մեծամասամբ նախկին կոռումպացված համակարգի բարքերն ու աշխատաոճը կրող պաշտոնյաներ:
Հաշվեքննիչ պալատի անդամի թեկնածուն ասաց, որ պատգամավորի դիտարկումները երկու մասի է բաժանում: «Քաղաքական բնույթ պարունակող դիտարկումներին չեմ անդրադառնալու, որովհետև կա քաղաքական չեզոքության խնդիր: Իսկ ինչ վերաբերում է մասնագիտական դիտարկումներին, իմ մասով հնչած տեղեկատվությունը չի համապատասխանում իրականությանը:
Մի բան կասեմ. ՊԵԿ-ի հետ կապված, ճիշտ նշվեց, հարուցված է քրգործ, բայց չգիտեմ` հարուցված գործի շրջանակներում այդքան մանրամասներ որտեղից, բայց ես զերծ կմնամ, նախաքննության գաղտնիությունը հաշվի առնելով, որևէ գնահատական տալուց: Չեմ հասկանում՝ ես ի՞նչ կապ ունեմ այդ ամենի հետ. ինքս երբևէ անօրինական գործողություններ չեմ կատարել»,- նշեց Առուստամյանը:
Մանրամասները՝ տեսանյութում:
