19.10.2026 | 17:39
«Ակադեմիական քաղաքի» գլխավոր հատակագծի մշակման աշխատանքներն ավարտվել են․ Փաշինյանի գլխավորությամբ խորհրդակցություն է անցկացվել
«Արմենպրեսի» բաժնետոմսերի կառավարումն անցնում է Էդուարդ Աղաջանյանին և Մանե Գևորգյանին
09.12.2020 | 21:55
«Արմենպրես» պետական լրատվական գործակալության լիազոր ներկայացուցիչներ են դառնում վարչապետի մամուլի խոսնակ Մանե Գևորգյանն ու աշխատակազմի ղեկավար Էդուարդ Աղաջանյանը: Այս մասին կառավարությունը վաղը համապատասխան որոշում կընդունի: Նախագիծն, ի դեպ, ընդգրկված է չզեկուցվող հարցերի ցանկում: Ընդ որում, գործակալության զգալի մասի՝ 51 տոկոս բաժնեմասի լիազոր ներկայացուցիչն Էդուարդ Աղաջանյանն է լինելու, 49-ը՝ Մանե Գևորգյանը:
Նշենք, որ գործող որոշմամբ «Արմենպրես»-ի 50 տոկոս բաժնետոմսը պատկանում է վարչապետի աշխատակազմի «Հանրային կապերի և տեղեկատվության կենտրոն» ՊՈԱԿ-ի տնօրենի, իսկ 25-ական տոկոսները ՀՀ վարչապետի մամուլի քարտուղարին և ՀՀ կառավարության աշխատակազմի տեղեկատվության և հասարակայնության հետ կապերի վարչության պետին:
Հիմնավորման մեջ նշվում է, որ «Արմենպրես»-ի գործունեությունը հիմնականում համակարգվում է վարչապետի մամուլի քարտուղարի և վարչապետի աշխատակազմի տեղեկատվության և հասարակայնության հետ կապերի վարչության միջոցով։ Հաշվի առնելով այն հանգամանքը, որ վարչությունը և վարչապետի մամուլի քարտուղարը «Արմենպրես»-ի միջոցով սկսել են աշխատանքներ տանել հաղորդակցության ոլորտում միջազգային հեղինակավոր կազմակերպությունների հետ, առավել նպատակահարմար է սույն որոշման ընդունումը:
Նարեկ Կիրակոսյան
