18.11.2024 | 23:35
ԵՄ-ն ծրագրում է «քաղաքական առաքելություն» ուղարկել Վրաստան. Բորել
Նիկոլ Փաշինյանին աջակցելու էր եկել 30 մարդ, ընդդիմությանը՝ 30 հազար. Շարմազանով. ՏԵՍԱՆՅՈՒԹ
Քաղաքականություն
09.12.2020 | 16:22
Երևանում սկսվել է վարչապետ Նիկոլ Փաշինյանի հրաժարականի պահանջով քաղաքացիերի երթը դեպի ԱԺ շենք, որի առջև նախատեսված է հանրահավաք իրականացնել:
«Հողատու, կապիտուլյացիա ստորագրած, թուրքի առջև ծնկի եկած Նիկոլ Փաշինյանը պետք է հեռանա ուշ թե շուտ: Այս մասին ասաց ՀՀԿ խոսնակ Էդուարդ Շարմազանովը, ով նույնպես մասնակցում էր երթին:
«Մենք ցնցումներ չենք ուզում: Մեր ցանկությունն է, որ Նիկոլ Փաշինյանը կամավոր հեռանա: Մարդ, ով կապիտուլյացիայի ակտ է ստորագրել, Շուշի ու Հադրութ է հանձնել, Ալիևի առջև ծնկի է եկել, 5 հազար զոհի քաղաքական պատասխանատուն է, պետք է հեռանա: Նա Հայաստանում անելիք չունի, նա պետք է հեռանա: Կեցցե՛ այն Հայաստանը, որ վաղն է գալու՝ առանց Նիկոլ Փաշինյանի», – ասաց հանրապետական գործիչը:
Շարմազանովը հիշեցրեց՝ իրենց իշխանությունը Ալիևին ծնկի է բերել և՛ ապրիլյան պատերազմում, և՛ բանակցային գործընթացում, իսկ Փաշինյանը մսխել է իրենց հաղթանակը: «Նա պետք է հեռանա: Սա արժանապատվությա հարց է, սա քաղաքական հարց չէ», – ասաց Շարմազանովը:
Անդրադառնալով դիտարկմանը, որ ընդդիմադիրները ժողովրդի աջակցությունը չեն վայելում, Շարմազանովը հակադարձեց՝ նշելով, որ Նիկոլ Փաշինյանին աջակցելու էր եկել 30 մարդ, ընդդիմությանը՝ 30 հազար:
Մանրամասները՝ տեսանյութում:
