17.09.2026 | 21:30
Ընկերությունը զրկվել է ՊԵԿ-ի 860 միլիոնանոց մրցույթից՝ չնախատեսված պահանջի պատճառով․ իրավաբան․ ՏԵՍԱՆՅՈՒԹ
«Իմ քայլից» Արամ Խաչատրյանը վայր է դնում պատգամավորի մանդատը. Լոռու մարզպետի պաշտո՞նն է զբաղեցնելու
Քաղաքականություն
08.12.2020 | 19:21
Այսօր Factor.am-ը տեղեկացավ, որ ԱԺ «Իմ քայլը» խմբակցության պատգամավոր Արամ Խաչատրյանը դադարեցնելու է գործունեությունը խորհրդարանում։ Տեղեկությունը մեզ հետ զրույցում հաստատեց ինքը՝ պատգամավորը։ «Այո, վայր եմ դնում պատգամավորական մանդատը՝ գործադիր մարմնում աշխատանքի անցնելու նպատակով։ Այսօր ներկայացրել եմ մանդատից հրաժարվելու վերաբերյալ դիմումը»։ Հարցին՝ ի՞նչ պաշտոն է զբաղեցնելու կառավարությունում՝ Խաչատրյանն ասաց. «Դեռ հստակ չէ. առայժմ քննարկումներ են գնում»։
Նշենք, որ շրջանառվող լուրերի համաձայն՝ Արամ Խաչատրյանը զբաղեցնելու է Լոռու մարզպետի պաշտոնը։ Այս լուրը պատգամավորը ոչ հերքեց, ոչ էլ՝ հաստատեց։
Factor.am-ը մեկնաբանություն ստացավ նաև Լոռու մարզպետ Անդրեյ Ղուկասյանից։ «Ոչ»,-պաշտոնանկ լինելու վերաբերյալ հարցին ի պատասխան արձագանքեց մարզպետը։
Մերի Մարտիրոսյան
