07.06.2026 | 00:08
Ձերբակալվել է Բյուրական համայնքի նախկին ղեկավար Զարզանդ Գրիգորյանը
Ուզում են ժողովրդից իշխանություն ձևավորելու իրավունքը վերցնել. Հովակիմյանն՝ ընդդիմադիրների մասին. ՏԵՍԱՆՅՈՒԹ
Քաղաքականություն
08.12.2020 | 16:19
Ժողովուրդը երբեք ծնկի չի եկել: Ամբաստանյալ Ռոբերտ Քոչարյանն է ծնկի եկել, ոչ թե ՀՀ ժողովուրդը. նա ծնկի է եկել ՀՀ ժողովրդի առաջ, որովհետև 2018-ին ժողովուրդն է հեղափոխություն իրականացրել, որի արդյունքում նա դարձել է ամբաստանյալ ու մի օր էլ դառնալու է դատապարտյալ: Այս մասին Factor.am-ի հետ զրույցում ասաց «Իմ քայլը» խմբակցության պատգամավոր Վահագն Հովակիմյանը՝ անդրադառնալով Ռոբերտ Քոչարյանի հարցազրույցում արված արտահայտությանը, թե ժողովրդի ընտրած իշխանությունը ծնկի բերեց ժողովրդին:
«Ռոբերտ Քոչարյանի գիտակցության մեջ ժողովուրդը միշտ ծնկի եկած է, նա երկու անգամ նախագահի պաշտոն է ստանձնել, բայց երբեք չի ընտրվել: Մարդ, որն ատել է ՀՀ ժողովրդին, և դրա համար է այդպես է խոսում»,- նշեց պատգամավորը:
Անդրադառնալով ընդդիմադիրների գործունեությանը և Վազգեն Մանուկյանի հայտարարությանը, որ «եթե Փաշինյանը կամովին չհեռանա, գազազած ժողովուրդը կհոշոտի նրան», Հովակիմյանն ընդգծեց. «Այս խոսքերը կարող է ասել ՀՀ ժողովրդին ատող մարդը, այս խոսքերը առաջին հայացքից վարչապետին են հասցեագրված, բայց իրականում «պատերազմը» ՀՀ ժողովրդի դեմ է, ուզում են ժողովրդից իշխանություն ձևավորելու իրավունքը վերցնել»:
Մանրամասները՝ տեսանյութում:
