17.09.2026 | 19:38
Մինսկի փողոցում սեպտեմբերի 18-ից կկազմակերպվեն հետիոտնային անցում և հասարակական տրանսպորտի կանգառներ
Միքայել Սրբազանի հայտարարություններն ու գործողությունները միայն տարակուսանք են հարուցում, կարծում եմ գյումրեցիներն իրենք կտան գնահատականը. վարչապետի խոսնակ
Քաղաքականություն
07.12.2020 | 22:29
ՀՀ վարչապետ Նիկոլ Փաշինյանի խոսնակ Մանե Գևորգյանը գրել է.
«Վարչապետ Նիկոլ Փաշինյանը Գյումրիի Սուրբ Ամենափրկիչ եկեղեցու բակում մասնակցել է պատարագին ոչ միայն որպես վարչապետ, այլեւ որպես քրիստոնյա, ու կառավարության ղեկավարի համար որեւէ տարբերություն չկա, թե ով է պատարագ մատուցող հոգեւոր հովիվը։ Ավելին՝ Հոգեհանգստի արարողությունը 32 տարի առաջ կյանքից հեռացած մարդկանց հոգիների համար էր առաջին հերթին։
Որեւէ գնահատականից զերծ մնալով հանդերձ՝ Միքայել Սրբազանի հայտարարություններն ու գործողությունները միայն տարակուսանք են հարուցում։
Կարծում եմ գյումրեցիներն իրենք կտան այդ հայտարարությունների գնահատականը»։
Հիշեցնենք, որ այսօր «Հրապարակ»-ին տված հարցազրույցում Շիրակի թեմի առաջնորդն ասել, որ Փաշինյանի պատճառով Գյումրիում հոգեհանգստի կարգ մատուցելու արարողությանը չի մասնակցել և որ Փաշինյանն իր վարչապետը չէ:
