18.11.2024 | 21:37
ՀՀ ԱԺ նախագահի գլխավորած պատվիրակությունը Վիետնամում է
Ոչ ոք ոչ ոքի չի հոշոտելու. Մարուքյանը՝ Վազգեն Մանուկյանի խոսքերի մասին. ՏԵՍԱՆՅՈՒԹ
Քաղաքականություն
07.12.2020 | 16:34
Հանրահավաքի մասնակիցները, Վազգեն Մանուկյանը մինչև երեքշաբթի ժամը 12-ը ժամանակ են տվել, որ վարչապետը ինքնակամ հեռանա, հակառակ դեպքում, զգուշացնում են, որ «Ժողովուրդը գազազած կհոշոտի Նիկոլ Փաշինյանին»: ԱԺ-ում լրագրողների հետ զրույցում, անդրադառնալով այս դիտարկմանը, «Լուսավոր Հայաստան» խմբակցության պատգամավոր Էդմոն Մարուքյանը նշեց. «Ցանկացած հռետորաբանություն կարող է շահարկվել, դա բնավ իմ հռետորաբանությունը չէ, բայց մյուս կողմից նաև ես չէի փորձի շահարկել:
Ոչ ոք ոչ ոքի չի հոշոտելու, պետք չէ դա անդադար դարձնել մատի փաթաթան և ասել, որ նման բան է ասվել, ես չեմ կարծում, թե այդ իմաստով է ասվել, որ անպայման ժողովուրդը գալու է և ինչ-որ բան անի, կամ ժողովրդին առաջնորդելու են ինչ-որ բանի: Ուղղակի ամեն ուժ ունի իր մոտեցումները: Պետք է իրենք մեկնաբանեն, թե այդ վերջնաժամկետն ինչի հետ է կապված»,- նշեց Մարուքյանը:
Անդրադառնալով դիտարկմանը, որ Լևոն Տեր-Պետրոսյանը այդ հայտարարության մեջ բնռնության և քաղաքացիական պատերազմի կոչեր է տեսնում, Մարուքյանը նշեց. «Դիմեք Տեր-Պետրոսյանին, թող մեկնաբանի»:
Պատգամավորը նաև հավելեց, որ քաղաքացիական բախումներից ինքը խոսել է նոյեմբերի 9-ից սկսած, երբ որ մի քանի հարյուր մարդ էր մտել ԱԺ շենք, մի քանի տասնյակ մարդ էլ դեպի իր առանձնասենյակ էր գնում:
Մանրամասները՝ տեսանյութում:
