27.08.2026 | 23:19
Ծանրամարտի Հայաստանի պատանեկան հավաքականը երկրորդ տարին անընդմեջ լավագույնն է Եվրոպայի առաջնությունում
Շիրակի, Լոռու, Արագածոտնի մարզերում հաշվառված է 7000 ոչ հիմնական շինություն․ ի՞նչ է արվել մինչ այժմ. ՏԵՍԱՆՅՈՒԹ
Հասարակություն
07.12.2020 | 13:22
Շիրակի, Լոռու, Արագածոտնի մարզերում հաշվառված է 7000 ոչ հիմնական շինություն: Այս մասին քաղաքաշինության կոմիտեի Բնակարանային ֆոնդի կառավարման և կոմունալ ենթակառուցվածքների վարչության պետ Տանյա Արզումանյանը «Սպիտակի երկրաշարժի տարելից. անօթևանների բնակապահովման ուղղությամբ իրականացված աշխատանքները» թեմայով ասուլիսի ժամանակ:
«Երկրաշարժից տուժած համայնքներում դեռևս կան տնակներ, վթարային շենքեր: 2019-ին մեկնարկեց ոչ հիմնական շինությունների փաստագրման աշխատանքները: Փաստագրվեց ավելի քան 7000 ոչ հիմնական շինություն: Մեր ուսումնասիրությունները ցույց տվեցին, որ այդ շինություններն օգտագործողների մեջ կան և՛ անօթևաններ, և՛ ոչ անօթևաններ:
2019 առաջարկությունների փաթեթ է ներկայացվել վարչապետի աշխատակազմ, դրան հաջորդել են իրավական աշխատանքներ, օրենսդրական փոփոխություններ են եղել՝ ոչ հիմնական շինությունների հետ կապված աշխատանքներ իրականացնելու լիազորությունների վերաբերյալ: Օրենսդրական կարգավորումներից հետո վարչապետի մեկ այլ որոշմամբ նոր խնդիրներ են առաջադրվել՝ մասնավորապես քայլերի ժամակացույց սահմանել, ճանապարհային քարտեզ մշակել և վարչապետի աշխատակազմի հետ այն համաձայնեցնելուց հետո կմեկնարկեն ճանապարհային քարտեզի իրականացման աշխատանքները»,- նշեց Արզումանյանը:
Մանրամասները՝ տեսանյութում:
