23.11.2024 | 18:09
Երևանի 3 վարչական շրջանում փոշու պարունակությունը գերազանցել է սահմանային թույլատրելի կոնցենտրացիան
114 բազմաբնակարան շենք դեռ ամրացման կարիք ունի, անօթևանների վերջին հաշվառումը եղել է 2008թ-ին. ՏԵՍԱՆՅՈՒԹ
Հասարակություն
07.12.2020 | 12:31
Երկրաշարժից հետո անցած տարիների ընթացքում Շիրակի մարզում կառուցվել և վերակառուցվել է 23 215 բնակարակ, Գյումրիում՝ 21 186 բնակարան: Փլված բնակարանային ֆոնդը ամբողջովին վերականգնվել է, իսկ վթարային բնակարաններից ոչ բոլորն են վերականգնվել: Այս մասին «Անօթևանության խնդիրը երկրաշարժից 32 տարի անց» թեմայով առցանց քննարկման ժամանակ ասաց Շիրակի մարզպետարանի քաղաքաշինության վարչության պետ Ալբերտ Մարգարյանը:
«Շիրակի մարզում 114 բազմաբնակարան շենք դեռ ամրացման կարիք ունի, որոնցում բնակվում են ավելի քան 2500 ընտանիք: Այդ շենքերից 92-ը՝ մոտ 2000 բնակարանով, Գյումրիում է գտնվում:
Անօթևանների վերջին հաշվառումը եղել է 2008թ-ին: Այդ ժամանակ Գյումրիում հաշվառվել է 4274 անօթևան ընտանիք, իսկ մարզի մյուս բնակավայրերում 4500 ընտանիք: Անցած 12 տարվա ընթացքում Գյումրիում հաշվառված բոլոր ընտանիքները, որոնք ներառված են եղել այս հաշվառման ցուցակում, ապահովվել են բնակարաններով, իսկ մարզի գյուղական բնակավայրերից դեռևս 148 ընտանիք այս տարվա սկզբի դրությամբ համարվում է անօթևան, նրանք այս տարվա գործող ծրագրի շահառու են, այս ծրագրի մի մասն ավարտվել է, մյուս մասն ընթացքի մեջ է»,- նշեց Մարգարյանը:
Մանրամասները՝ տեսանյութում:
