27.11.2024 | 22:49
Երևանի քաղաքապետն այցելել է Լոս Անջելեսի տրանսպորտի կառավարման կենտրոն
Մինսկում իրավապահները ձերբակալում են ցուցարարների. DW
Քաղաքականություն
06.12.2020 | 19:14
Բելառուսի մայրաքաղաք Մինսկի տարբեր շրջաններում ընթացող բողոքի ցույցերի ժամանակ իրավապահները ձերբակալում են ցուցարարների: Այս մասին տեղեկությունը տարածում է DW-ին՝ հիմնվելով տեղական հրապարակումների վրա:
Գրոդնոյում իրավապահները ձերբակալել են լրագրող Մարիա Լյուդկևիչին:
Մինսկում ամբողջ օրը բնակչությունը զրկված է ինտերնետից: Մի քանի ժամ առաջ դադարեցվել էր մետրոպոլիտենի երեք կայարանի աշխատանքը, սակայն, ըստ հաղորդագրությունների, մետրոն վերսկսել է աշխատանքը:
Մինսկի իշխանությունները ցույցը անցկացնելու պաշտոնական թույլտվություն չի տվել:
Բելառուսում բողոքի ցույցերը սկսվել են օգոստոսի 9-ին կայացած նախագահական ընտրություններից հետո: Երկրի կենտրոնական ընտրական հանձնաժողովի պաշտոնական տվյալների համաձայն, ընտրություններում հաղթել է գործող նախագահ Ալեքսանդր Լուկաշենկոն: Ընդդիմությունը չի ճանաչում ընտրությունների արդյունքները:
