17.09.2026 | 13:52
Հորս մասով փորձում է հաճոյանալ Ալիևին. Լևոն Քոչարյանը՝ Փաշինյանի մասին․ ՏԵՍԱՆՅՈՒԹ
Սվետլանա Տիխանովսկայայի ամուսնու՝ ընդդիմադիր բլոգեր Սերգեյ Տիխանովսկիի կալանքի ժամկետը երկարացվել է ևս 3 ամսով․ փաստաբան
Քաղաքականություն
30.11.2020 | 21:53
Բելառուս հայտնի ընդդիմադիր բլոգեր Սերգեյ Տիխանովսկիի կալանքի ժամկետը երկարացվել է ևս 3 ամսով՝ մինչև փետրվարի վերջը։ Այս մասին ՌԻԱ Նովոստիին հայտնել է Տիխանովսկիի փաստաբան Նատալյա Մացկևիչը։
Տիխանովսկիի կալանքի նախորդ ժամկետը լրացել էր նոյեմբերի 29-ին։ Նրան մեղադրում են Բելառուսում զանգվածային անկարգություններ կազմակերպելու համար։
Մացկևիչը չի բացառել, որ կալանքը կրկին կերկարացվի ու հրաժարվել է մեկնաբանել մեղադրանքի մանրամասները։
Տիխանովսկին Բելառուսում հայտնի «Կյանքի երկիր» YouTube-յան ալիքի հիմնադիրն է, որն իր թիմով մեքենայով շրջում էր Բելառուսում, հանդիպում իր հետևորդների հետ, լսում նրանց բողոքները՝ իրենց բնակավայրերի ու երկրում տիրող իրավիճակի մասին։
Տիխանովսկին ծրագրում էր մասնակցել Բելառուսում օգոստոսի 9-ին կայանալիք նախագահական ընտրություններին, սակայն նրա թեկնածությունը չեն գրանցել, քանի որ հայտ ներկայացնելու ժամանակ գտնվել է անազատության մեջ։ Նրա փոխարեն իր թեկնածությունն էր առաջադրել նրա կինը՝ Սվետլանա Տիխանովսկայան, որը ընտրություններից հետո ստիպված էր եղել լքել երկիրը ու ապաստարան գտնել Լիտվայում:
Տաթև Ֆռանգյան
