03.11.2026 | 13:16
«Արմավիր» ՔԿՀ-ի վերնամասը ցանկապատել ենք, որպեսզի դրոններով որևէ բան չփոխանցեն․ Գալյան․ ՏԵՍԱՆՅՈՒԹ
Փարիզում բողոքի ցույցերը վերաճել են ոստիկանության հետ բախումների. dw.com
Քաղաքականություն
29.11.2020 | 16:26
Ֆրանսիայում բողոքում են այն օրենքի դեմ, որն արգելում է ոստիկանության աշխատակիցներին լուսանկարել և նկարահանել որոշակի հանգամանքներում. գրում է dw.com-ի ռուսական ծառայությունը:
Նշվում է, որ մոտ 46 հազար մարդ է դուրս եկել Փարիզի փողոցներ ՝ բողոքելով «Գլոբալ անվտանգության մասին» օրենքի ընդունման դեմ:
Հանրահավաքի մասնակիցները հատկապես դժգոհում են սույն օրենքի 24-րդ հոդվածի դեմ, որը նախատեսում է տուգանքներ ոստիկանության առանձին աշխատակիցներին լուսանկարելու և նկարահանելու համար, եթե այն «սպառնում է առանձին պաշտոնատար անձանց ֆիզիկական անձեռնմխելիությանը»:
Օրենքն ընդունելու դեպքում օրինազանցներին սպառնում է մեկ տարի ազատազրկում կամ 45 հազար եվրո տուգանք:
Ֆրանսիայի մայրաքաղաքում բողոքի ցույցերը վերաճել են ոստիկանության հետ բախումների: Ըստ Reuters- ի՝ ցուցարարները քարեր են նետել իրավապահ մարմինների աշխատակիցների վրա, որոշ տեղերում նաև հրդեհներ են արձանագրվել: Ցուցարարները փորձել են բարիկադներ կառուցել, սակայն ոստիկանությունը լուսաձայնային նռնակներ ու արցունքաբեր գազ է կիրառել:
Կան բերման ենթարկվածներ, Ֆրանսիայի ՆԳ նախարար Ժերալդ Դարմանինի խոսքով ՝ վիրավորվել են ոստիկանության 37 աշխատակիցներ և ազգային ժանդարմերիայի անդամներ:
