29.03.2026 | 11:43
Պենտագոնը պատրաստվում է Իրանում ցամաքային գործողությունների. The Washington Post
Որևէ մեկը չի ասել, որ հանձնված հողերը կադրային փոփոխությամբ պետք է հետ բերվեն. Բաբկեն Թունյան. ՏԵՍԱՆՅՈՒԹ
Քաղաքականություն
26.11.2020 | 13:33
«Որևէ մեկը չի ասել, որ Արցախի հանձնված հողերը կադրային փոփոխություններով պետք է հետ բերվեն։ Կադրային փոփոխությունները նրա համար են, որ թարմ շունչ հաղորդվի, որովհետև Հայաստանը դեռ պիտի գոյատևի»։ Այս մասին լրագրողների հետ զրույցում ասաց «Իմ քայլը» խմբակցության պատգամավոր Բաբկեն Թունյանը՝ անդրադառնալով հարցին, թե Կառավարությունում կադրային փոփոխություններն ինչ են փոխելու Արցախի շրջանների հանձնման և երկրում ստեղծված իրավիճակի համար:
Անդրադառնալով Էկոնոիկայի նախարարի պաշտոնին բիզնեսմենի նշանակելու վերաբերյալ հարցին՝ Թունյանն ասաց. «Նշանակումը կլինի, այդ ժամանակ կարծիք կհայտնեմ։ Ամեն դեպքում եթե կլինի բիզնեսմեն թե ոչ բիզնեսմեն, ամեն դեպքում ցանկացած թեկնածուի պարագայում մանրամասն քննարկումներ են իրականացվում։ Որոշումը չի կայացվում պահի տակ»։
Բաբկեն Թունյանն ընդգծեց, որ խնդիրը ոչ թե անձերի հետ է կապված, այլ ծրագրերի ու գաղափարների. «Վարչապետի հրապարակած ճանապարհային քարտեզը, որը նշված է վեց ամսվա համար, դա այն ժամանակահատվածն է, որ այս նոր կադրային պոտենցիալով պետք է արդյունքներ ցույց տանք»։
Մանրամասները՝ տեսանյութում:
