10.08.2026 | 18:11
Պռոշյան բնակավայրում բռնկված հրդեհը մարվել է
Դոնալդ Թրամփը ներում է շնորհել իր նախկին խորհրդականին․ BBC
Քաղաքականություն
26.11.2020 | 11:31
ԱՄՆ նախագահ Դոնալդ Թրամփը ներում է շնորհել ազգային անվտանգության հարցերով իր նախկին խորհրդական Մայքլ Ֆլինին, որը մեղադրվել էր Հետախուզության դաշնային բյուրոյին (ՀԴԲ) ստելու համար, գրում է BBC-ն:
ԱՄՆ նախագահը հայտարարել է, որ այս ներում շնորհելն իր համար «Մեծ պատիվն» է:
«Ինձ համար մեծ պատիվ է հայտարարել, որ գեներալ Մայքլ Ֆլինին լիակատար ներում է շնորհվել։ Շնորհավորում եմ գեներալ Ֆլինին և նրա հրաշալի ընտանիքին։ Գիտեմ, որ հիմա իսկապես հոյակապ Գոհաբանության տոն կունենաք», – գրել է Թրամփը Twitter-ի իր էջում։
Հավելենք, որ Ֆլինը նախագահ Թրամփի այն նախկին օգնականն էր, որը դատապարտվել էր արդարադատության դեպարտամենտի հետաքննության ընթացքում` Ռուսաստանի կողմից ԱՄՆ ընտրություններին միջամտելու համար:
Վերջինս 2017 թվականին խոստովանել էր, որ ՀԴԲ-ին ստել է ԱՄՆ-ում ՌԴ դեսպանի հետ շփումների մասին, ապա փորձել է հետ վերցնել իր ցուցմունքը: Ավելի ուշ ԱՄՆ արդարադատության նախարարությունը հանել էր Ֆլինի դեմ մեղադրանքները ՀԴԲ-ին սխալ տեղեկություններ տրամադրելու մասին, սակայն դատավորը հրաժարվել էր փակել գործը։
Տաթև Ֆռանգյան
