05.05.2024 | 15:41
Մակրոնը հայտարարել է Ռուսաստանի հետ երկխոսությունը շարունակելու անհրաժեշտության մասին
Չեն բացառվում շարունակական երթերն ու ցույցերը. Էդմոն Մարուքյան
Քաղաքականություն
09.01.2018 | 19:35
«Ելք»-ը նպատակ ունի զանգվածային միջոցառումներով ճնշել իշխանություններին և պահանջել փոփոխություններ կատարել նոր Հարկային օրենսգրքում՝ ամրագրելով այն նորմերը, որոնք մինչ այժմ գործել են: Factor.am-ի հետ զրույցում հայտարարեց ԱԺ «Ելք» խմբակցության պատգամավոր Էդմոն Մարուքյանը:
«Սա նվազագույն պահանջն է լինելու: Այնպես չէ, որ մինչ այժմ եղած նորմերը մեզ բավարարում էին, հարկային բեռն առանց այդ էլ բարձր էր, և թանկացումները շատ լուրջ ազդեցություն են ունեցել և ունենում են»,- ասաց Էդմոն Մարուքյանը:
Ընդդիմադիր պատգամավորի կարծիքով՝ երթի մասնակիցները պայքարելու են առաջին հերթին իրենց և իրենց հարազատների համար:
«Սա վերաբերում է բոլորին, և որևէ մեկը երթին գալով ինձ անձամբ լավություն չի անելու, նա լավություն է անելու իրեն՝ պաշտպանելով իր իրավունքները »,- ընդգծեց պատգամավորը՝ չբացառելով, որ երթերն ու ցույցերը կարող են շարունակական բնույթ կրել:
Մանրամասները՝ տեսանյութում:
Շողիկ Գալստյան
