17.09.2026 | 18:59
Թուրք ընդդիմադիր պատգամավորը Հայաստան-Թուրքիա սահման է այցելել և կոչ է արել բացել այն
Գորգիսյանը հիշեցրեց Պուտինի խոսքերը. ինչու պետք է վերացնել ռազմական դրությունը. ՏԵՍԱՆՅՈՒԹ
Քաղաքականություն
25.11.2020 | 17:45
«Լուսավոր Հայաստան» խմբակցությունը շրջանառության մեջ է դրել ԱԺ որոշում, որով առաջարկվում է չեղարկել ռազմական դրությունը ՀՀ-ում: Նոյեմբերի 9-ին ՀՀ-ի, ՌԴ-ի և Ադրբեջանի միջև կնքված պայմանագիրը վերջ դրեց մարտական գործողություններին, դրանից հետո եղան ՀՀ վարչապետի, ՌԴ նախագահի և արտգործնախարարի հայտարարությունները, որ այլևս անվտանգությունը կարելի է համարել ապահովված: Այս մասին ԱԺ պաշտպանության հարցերի մշտական հանձնաժողովի նիստի ժամանակ ասաց «Լուսավոր Հայաստան» խմբակցության քարտուղար Գևորգ Գորգիսյանը:
Նրա կարծիքով՝ ռազմական սպառնալիք և զորահավաքի կարիք արդեն չկա: «Այսինքն՝ պատճառները, որոնց համար բերվել էր ռազմական դրությունը, կարելի է համարել վերացած: Սակայն սահմանափակումները, որոնք դրված էին հավաքների, գործադուլների, հրապարակումների, խոսքի ազատության վրա, դեռ շարունակում են գործել, և սա ունի նաև տնտեսական հետևանքներ»,- նշեց Գևորգ Գորգիսյանը:
«Բացի ժողովրդավարության սահմանափակումներից՝ մենք ունենք շատ լուրջ տնտեսական խնդիրներ: Մենք կարծում ենք, որ ռազմական դրությունն օր առաջ հանելը կնպաստի այսօր առկա ճգնաժամի մեղմմանը», – ասաց Գորգիսյանը՝ հորդորելով նպաստել ռազմական դրության չեղարկման գործընթացին:
Մանրամասները՝ տեսանյութում:
