08.11.2024 | 18:38
Իսրայելը որոշել է զինվորական առաքելություն չուղարկել Ամստերդամ՝ իսրայելցի ֆուտբոլասերների վրա հարձակումից հետո
ՌԴ ՊՆ-ն ներկայացրել է ԼՂ-ում տարվող ականազերծման աշխատանքները
Քաղաքականություն
24.11.2020 | 10:48
Լեռնային Ղարաբաղում ռուս զինվորականները շարունակում են խաղաղապահ զորքերի պատասխանատվության գոտու մեջ մտնող տարածքների ականազերծման աշխատանքները։ Այս մասին հայտնում է ՌԴ ՊՆ մամուլի ծառայությունը։
Նոյեմբերի 23-ին Լեռնային Ղարաբաղի Հանրապետությունում սկսվել են տարածքի ականազերծման հումանիտար աշխատանքները։
«Ռուսաստանի ինժեներական ստորաբաժանումները մասնակցում են խաղաղապահ դիտակետերի և ընդհանուր օգտագործման ճանապարհների ականազերծման աշխատանքներին», – ասվում է ՌԴ պաշտպանության նախարարության կողմից հրապարակված մեկնաբանության մեջ:
Հայտնի է, որ սակրավորները աշխատանքներ են իրականացնում բնակավայրերի և հարակից սոցիալական ենթակառուցվածքների օբյեկտների մոտ:
Պաշտպանության նախարարությունից նշում են, որ հայտնաբերված զինամթերքն ու պայթուցիկ առարկաները տեղափոխվում են հրաձգարաններ, որտեղ հետագայում պայթեցվում են: Զինամթերքը, որը հնարավոր չէ տեղափոխել, ոչնչացվում է տեղում:
«Պայթուցիկ օբյեկտների առկայության տեղանքի հետազոտման աշխատանքների փուլերից մեկն այն դիրքերի ուսումնասիրությունն է, որոնց վրա կկառուցվեն ստացիոնար դիրքեր ռուս խաղաղապահների ծառայության համար», – ասված է ՌԴ ՊՆ հայտարարության մեջ:
