09.02.2026 | 21:03
ԱՄՆ փոխնախագահի այցն արտացոլում է ՀՀ-ի ԱՄՆ-ի միջև հարաբերությունների բարձր մակարդակը. ՀՀ նախագահ
Գաբրիել Բալայանի աշխատանքից ազատվելու մասին լուրը չի հաստատվում
Քաղաքականություն
23.11.2020 | 16:55
Պատերազմի հետևանքով անհետ կորած զինծառայողների ծնողների այսօրվա ակցիայի ժամանակ ԱԺ պաշտպանության հարցերով հանձնաժողովի նախագահ Անդրանիկ Քոչարյանն ասաց, որ պաշտպանության փոխնախարար Գաբրիել Բալայանը աշխատանքից ազատվել է։
Փորձեցինք կապ հաստատել Գաբրիել Բալայանի հետ, վերջինս, սակայն, զանգերի չպատասխանեց։ ՊՆ տեղեկատվության և հասարակայնության հետ կապերի վարչության պետ Գևորգ Ալթունյանն էլ ասաց, որ ինքը նման տեղեկություն չունի:
«Ես ինքս զրուցել եմ պարոն Բալայանի հետ և կարող եմ ասել, որ այս պահին նրա հրաժարականի հետ կապված որևէ հաստատված բան չկա։ Առհասարակ կա հատուկ ընթացակարգ, թե՛ նշանակումների, թե՛ ազատումների վերաբերյալ, և ե երբ որ կլինի հրամանագիրը՝ դրանից էլ պարզ կլինի կա՞ նման բան, թե՝ ոչ»,- նշեց Ալթունյանը։
Հավելենք, որ վարչապետի խոսնակը ևս այս տեղեկության մասին հստակ պատասխան չի տվել, նա լրատվամիջոցներից մեկի հետ հետ զրույցում նշել էր, թե Գաբրիել Բալայանին ազատելու որոշում այս պահին չկա: «Եթե լինի, պատշաճ ձևով կտեղեկացնենք»,-ասել էր Մանե Գևորգյանը:
Լիլիթ Շաբոյան
