04.08.2026 | 12:46
Հակակոռուպցիոն կոմիտեն հաստատում է․ ձերբակալվել են Էկոպարեկային ծառայության պաշտոնյաներ
Նոր մանրամասներ՝ վիրավոր զինծառայողների առողջական վիճակից
Հասարակություն
09.01.2018 | 11:42
Հունվարի 8-ին ղարաբաղա-ադրբեջանական զորքերի շփման գծում վիրավորված երկու զինծառայողների կյանքին վտանգ չի սպառնում: Այս մասին Factor.am-ի հետ զրույցում ասաց Պաշտպանության նախարարության մամուլի խոսնակ Արծրուն Հովհաննիսյանը:
Հիշեցնենք՝ 2018 թվականի հունվարի 7-ին՝ ժամը 13:20-ի սահմաններում, N զորամասի պահպանության շրջանի մարտական դիրքի ուղղությամբ հակառակորդի կողմից արձակած կրակոցի հետևանքով ձախ թիկնային շրջանում մահացու հրազենային վիրավորում է ստացել պարտադիր ժամկետային զինծառայող, կրտսեր սերժանտ Վաչե Նվերի Չիլինգարյանը:
Նկատելով կատարվածը՝ զինծառայողին օգնության են շտապել նախ ավագ լեյտենանտ Ե. Մուսինյանը, ապա՝ պայմանագրային զինծառայող, վարորդ Դ. Վանյանը, ովքեր ևս հակառակորդի կողմից արձակած կրակոցների հետևանքով ստացել են հրազենային վիրավորումներ:
Մեր հարցին՝ կոնկրետ ի՞նչ վիրավորումներ են ստացել զինծառայողները և կատարվե՞լ է արդյոք վիրահատություն, ՊՆ մամուլի խոսնակ չմանրամասնեց՝ նշելով. «Չեմ կարող այդպիսի մանրամասներ հայտնել: Միայն կասեմ, որ ստացել են մարմնական տարբեր վնասվածքներ»:
