27.11.2024 | 22:49
Երևանի քաղաքապետն այցելել է Լոս Անջելեսի տրանսպորտի կառավարման կենտրոն
Ջորջիա նահանգում ձայների վերահաշվարկից հետո կրկին հաղթում է Ջոզեֆ Բայդենը․ NYT
Քաղաքականություն
20.11.2020 | 11:17
ԱՄՆ Ջորջիա նահանգում ձայների վերահաշվարկի արդյունքում հաստատվել է Դեմոկրատական կուսակցության թեկնածու Ջոզեֆ Բայդենի հաղթանակը։ Այս մասին ասվում է Ջորջիայի փոխնահանգապետ Բրեդ Րաֆենսփերգերի կայքէջում։
Տեղեկացվում է, որ կրկնահաշվարկի արդյունքում մշակվել է նահանգի բոլոր 159 շրջաններից 5 միլիոնից մի փոքր ավելի քվեաթերթիկ։ Հանրապետական Դոնալդ Թրամփը հավաքել է 2 462 857 ձայն, իսկ Դեմոկրատ Ջոզեֆ Բայդենը՝ 2 475 141։ Բայդենի առավելությունը կազմել է 12 284 ձայն։
Րաֆենսփերգերի խոսքով՝ ձայների վերահաշվարկը հաստատել է հաղթողի անունն ու պետք է ամրապնդի ընտրողների վստահությունը ստացված արդյունքներին։
The New York Times թերթի տվյալներով՝ հանրապետականները կարող են այդ նահանգում ևս մեկ վերահաշվարկ պահանջել, եթե մրցակիցների միջև ձայների տարբերությունը լինի 0,5%-ի սահմաններում։ Այդ դեպքում կկիրառվեն սկաներներ, որոնք նախատեսված են քվեների արագ հաշվարկման համար։ Առաջին վերահաշվարկը տեղի է ունեցել ձեռքով։
Տաթև Ֆռանգյան
