25.08.2026 | 11:27
Երևանում մեկնարկում է Անդրանիկ Հարոյանին նվիրված հուշամրցաշարը, կայացել է վիճակահանությունը
Հոկտեմբերին սննդամթերքը թանկացել է 0․9%-ով․ վիճծառայության տվյալները
Տնտեսություն
18.11.2020 | 16:42
Այս տարվա հոկտեմբերին, սեպտեմբերի համեմատ, սպառողական գների ինդեքսն աճել է 0․5%-ով։ Այս մասին տեղեկանում ենք Պետական վիճակագրական ծառայության հրապարակած տվյալներից։
Սննդամթերքը հոկտեմբերին թանկացել է 0․9%-ով։ Մասնավորապես, աճել են ալյուրի և ձավարեղենի գները՝ 1․1%-ով, խոզի մսի գինը՝ 1․7 %-ով, թռչնամսինը՝ 2%-ով, ձվի գինը՝ 4․1%-ով, բանջարեղենինը՝ 2․2%-ով, շաքարինը՝ 9․8%-ով։
Ոչ սննդային ապրանքներից հագուստն ու կոշիկը թանկացել են 3․4%-ով։
Փոխարենը գների նվազում է նկատվում ծառայությունների ոլորտում։ Այսպես, հանգստի կազմակերպման համալիր ճառայությունների գները նվազել են 6․7%-ով, հյուրանոցային ծառայությունների գները՝ 2․6%-ով։
Իսկ նախորդ տարվա նույն ժամանակահատվածի նկատմամբ այս տարվա հոկտեմբերին սպառողական գների ինդեքսն աճել է 1․3%-ով։ Միայն սննդամթերքի գներն աճել են 0․6%-ով։
Նախորդ տարվա հոկտեմբերի համեմատ՝ այս տարի թանկացել են հացաբուլկեղենն ու ձավարեղենը, գառան միսը, կաթը, յուղերը, մրգերը։
Անժելա Պողոսյան
