19.04.2026 | 23:45
Գետերում նկատվում է ջրի մակարդակի բարձրացում. ՆԳՆ ՓԾ-ն անցել է ուժեղացված ծառայության
Խոակին Կապառոս. Ուրախ եմ, որ Սարգիս Ադամյանը խաղում է Հայաստանի հավաքականում
15.11.2020 | 20:19
Հայաստանի հավաքականի գլխավոր մարզիչ Խոակին Կապառոսը հանդես է եկել մամուլի ասուլիսով, որի ընթացքում նա պատասխանել է հայ և վրացի լրագրողների հարցերին, հաղորդում է armsport-ը:
-Սարգիս Ադամյանը Խոակին Կապառոսի գլխավորությամբ առաջին անգամ է հրավիրվում հավաքական: Արդյո՞ք մարզիչը Կարապետյանի փոխարեն կնախընտրի Ադամյանին, թե՞ կօգտագործի երկուսին էլ:
-Իմ որոշման մասին կիմանաք վաղը, բայց ուզում եմ ասել, որ Ադամյանը շատ որակյալ խաղացող է, և ես ուրախ եմ, որ նա մեր հավաքականի ճամբարում է:
-Հյս. Մակեդոնիայի ու Վրաստանի հավաքականների դեմ խաղերում Հայաստանի ընտրանին արագ գոլ խփեց, սակայն հետո չկարողացավ պահել խաղի հաշիվը և ավելի պասիվ սկսեց խաղալ: Ինչպե՞ս եք պատրաստվում լուծել այդ խնդիրը:
-Յուրաքանչյուր խաղ տարբեր է. դժվար է ասել, որ դեպքում ինչպես կընթանա խաղը: Վրաստանի ընտրանին բարդ մրցակից է, բայց մենք վաղն ամեն ինչ կանենք այդ խնդիրը լուծելու համար:
Հիշեցնենք, որ Ազգերի Լիգայի խմբային փուլի 5-րդ տուրի շրջանակում նախատեսված Հայաստան-Վրաստան խաղը կկայանա վաղը և կմեկնարկի 21:00-ին:
