08.11.2024 | 13:36
Մակրոնն ու Էրդողանը տարածաշրջանային, ԵՄ-ին Թուրքիայի անդամության հարցեր են քննարկել
Եվս 8 Իլ-76 ինքնաթիռ է ուղարկվել Լեռնային Ղարաբաղ․ ՌԴ ՊՆ
Քաղաքականություն
13.11.2020 | 17:38
Ռուսաստանի ռազմական տրանսպորտային ավիացիան Ուլյանովսկից ռուս զինվորականներով ևս ութ Իլ-76 ինքնաթիռ է ուղարկել ՝ Լեռնային Ղարաբաղի հակամարտության գոտում խաղաղապահ գործողությանը մասնակցելու համար: Այս մասին այսօր հայտնել են Ռուսաստանի Դաշնության պաշտպանության նախարարությունից: Համապատասխան հաղորդագրությունը տեղադրված է նախարարության պաշտոնական կայքէջում։
«2020 թվականի նոյեմբերի 13-ին Ռուսաստանի օդատիեզերական ուժերի ռազմական տրանսպորտային ավիացիայի ութ «Իլ -76» ինքնաթիռ արդեն օդ է բարձրացել», – ասված է հաղորդագրության մեջ:
Ռազմական վարչությունը պարզաբանել է, որ օդանավում կա ավելի քան 10 ծանրաքաշ արտաճանապարհային մեքենա և նյութատեխնիկական ապահովության միջոցներ, ինչպես նաև խաղաղապահ ստորաբաժանման ավելի քան 100 զինծառայող: Նրանք վայրէջք են կատարելու Հայաստանի օդանավակայանում, որտեղից էլ մեկնելու են Լեռնային Ղարաբաղ:
Տաթև Ֆռանգյան
