18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Պուտինը շարունակում է ինտենսիվ կապ պահպանել Փաշինյանի ու Ալիևի հետ․ Պեսկով
Քաղաքականություն
13.11.2020 | 15:20
Ռուսաստանի Դաշնության նախագահ Վլադիմիր Պուտինը Լեռնային Ղարաբաղի մասին հայտարարության ընդունումից հետո էլ շարունակում է ինտենսիվ կապ պահպանել ՀՀ վարչապետ Նիկոլ Փաշինյանի ու Ադրբեջանի նախագահ Իլհամ Ալիևի հետ: Նման շփումներն իրականացվում են ըստ անհրաժեշտության, այս մասին այսօր լրագրողներին հայտնել է ՌԴ ղեկավարի մամուլի քարտուղար Դմիտրի Պեսկովը, փոխանցում է ՏԱՍՍ-ը:
«Այդ շփումներն այժմ էլ անհրաժեշտության դեպքում շարունակվում են բավականին ինտենսիվորեն», – հայտարարել է նա ՝ մեկնաբանելով այն հարցը, թե Կրեմլի մամուլի ծառայությունը լրատվամիջոցներին չի տեղեկացրել երեք ղեկավարների բոլոր հեռախոսային շփումների մասին, որոնք տեղի են ունեցել Լեռնային Ղարաբաղի վերաբերյալ հայտարարության պատրաստման ընթացքում:
Պեսկովը նաև հայտարարել է, որ «Կրեմլի մամուլի ծառայությունը չի հայտնում Փաշինյանի և Ալիևի հետ շատ զրույցների մասին»:
«Համատեղ հայտարարության ստորագրման նախօրեին նախագահը շատ ու շատ օրեր աշխատել է Ադրբեջանի նախագահի և Հայաստանի վարչապետի հետ առցանց», – շեշտել է Պեսկովը:
Տաթև Ֆռանգյան
