08.11.2024 | 15:22
Հայաստանում քաղաքականությամբ զբաղվելը դարձել է հարուստ մարդկանց և օլիգարխների մենաշնորհը․ Առաքելյան․ ՏԵՍԱՆՅՈՒԹ
Վաշինգտոնը կոչ է արել Մինսկին ազատ արձակել քաղբանտարկյալներին
Քաղաքականություն
13.11.2020 | 13:44
ԱՄՆ-ը դատապարտում է Բելառուսում զանգվածային ձերբակալությունները և կոչ անում պաշտոնական Մինսկին անհապաղ ազատ արձակել քաղբանտարկյալներին և այլ խաղաղ ցուցարարներին: Նման հայտարարություն է արել ԱՄՆ պետքարտուղար Մայքլ Պոմպեոն, հայտնում է DW-ի ռուսական ծառայությունը:
Ներկայում Բելառուսում ավելի քան 100 բանտարկյալ կա՝ ցույցերին խաղաղ մասնակցություն ունենալու, ազատ և արդար ընտրություններ անցկացնելու կոչերի, ինչպես նաև ճգնաժամը դադարեցնելու համար ազգային երկխոսությունը պաշտպանելու համար:
«Քաղբանտարկյալները Բելառուսում բախվել են կալանքի այնպիսի պայմանների հետ, որոնք սպառնում են նրանց կյանքին»,ի հավելել է ԱՄՆ պետքարտուղարը:
Պոմպեոն առանձնակի շեշտել է «խոշտանգումների վերաբերյալ հավաստի հաղորդումների» մասին՝ հայտարարելով, որ հազարավոր մարդիկ «անհամաչափ կերպով բերման են ենթարկվել բողոքի ցույցերի բռնի ճնշումի մեկնարկից ի վեր»։
Վաշինգտոնը հերթական անգամ կոչ է արել Մինսկին՝ անհապաղ դադարեցնել բռնությունը խաղաղ ցուցարարների նկատմամբ, ինչպես նաև սկսել «իմաստալից երկխոսություն» երկրի քաղաքացիական հասարակության և Բելառուսի ընդդիմության համակարգող խորհրդի հետ, որը ստեղծվել է նախագահի նախկին թեկնածու Սվետլանա Տիխանովսկայայի նախաձեռնությամբ:
Տաթև Ֆռանգյան
