05.05.2024 | 21:52
7 ոսկի և 2 արծաթ. Հայաստանի հավաքականը ավարտեց ելույթները ուշուի ԵԱ-ում
«Եռակողմ հայտարարությունը միջազգային պայմանագիր չէ, և Հայաստանի համար իրավաբանական պարտականություններ չի առաջացնում».Արթուր Ղամբարյան
Հասարակություն
11.11.2020 | 16:43
Իրավաբանական գիտությունների դոկտոր Արթուր Ղամբարյանը ֆեյսբուքյան իր էջում հետևյալ առաջարկն է ներկայացրել․
«Անհրաժեշտ է ունենալ ՀՀ սահմանադրական դատարանի որոշում որտեղ հստակ կամրագրվի (անբովանդակ ձևապաշտությունների՝ դիմող սուբյեկտ, վերահսկողության օբյեկտ և այլնի մասին խնդրում եմ չխոսել, դրա ժամանակը չէ).
Առաջին՝ եռակողմ հայտարարությունը միջազգային պայմանագիր չէ և Հայաստանի համար իրավաբանական պարտականություններ չի առաջացնում (սա պետք է հստակ՝ իրավաբանորեն ամրագրել).
Երկրորդ՝ եռակողմ հայտարարության 9-րդ կետը՝ այնքանով, որքանով վերաբերում է ԻՐԱՎԱԲԱՆԱԿԱՆ իմաստով ՀՀ տարածքի փոփոխությանը, հակասում է Հայաստանի Հանրապետության անկախության հռչակագրի 2-րդ, ՀՀ Սահմանադրության 1-ին հոդվածին, 205-րդ հոդվածի 1-ին մասին:
Երրորդ՝ նկատի ունենալ, որ Հայաստանի Անկախության հռչակագիրը հիմնված է՝ 1989 թվականի դեկտեմբերի 1-ի «Հայկական ԽՍՀ-ի և Լեռնային Ղարաբաղի վերամիավորման մասին» Հայկական ԽՍՀ Գերագույն խորհրդի և Լեռնային Ղարաբաղի Ազգային խորհրդի համատեղ որոշման վրա:
ՍԴ-ի նման որոշումն անհրաժեշտ է ոչ թե մեզ, այլ մեզ հաջորդող Սերնդին՝ լիարժեք ինքնիշխանությունը վերագտնելու և վերականգնելու խորաթափանց գործում»:
