06.12.2025 | 14:53
Հրանտ-Լեոն Ռանոսը տևական ընդմիջումից հետո խաղացել է Բունդեսլիգայում․ ՏԵՍԱՆՅՈՒԹ
Կառավարությունը քանի՞ փախստականի կհատկացնի 60.000 դրամ
27.12.2017 | 15:52
Կառավարության վաղվա նիստում կքննարկվի ՀՀ-ում փախստական ճանաչված և ապաստան ստացած անձանց ժամանակավոր կացարանով ապահովելու հարցը: Ըստ ներկայացվող նախագծի՝ ՀՀ-ում փախստական ճանաչված և ապաստան ստացած անձանց բնակարաններ վարձակալելու համար Կառավարությունն 9 ամիս ժամկետով պետք է յուրաքանչյուր ընտանիքի վճարի 60.000-ական դրամ:
Նախագծում նշված է՝ փոխհատուցման տրամադրումը կարող է դադարեցվել, եթե դադարեցվի դիմողի փախստականի կարգավիճակը, դիմողը օգտագործի փոխհատուցումը ոչ նպատակային, կամ մեկնի ՀՀ-ից:
Նշենք, որ, ըստ ԱՎԾ-ի՝ ՀՀ-ում ապաստան հայցող անձանց, փախստական ճանաչված կամ այլևս փախստական չհամարվող անձանց վերաբերյալ 2017թ. հունվար-հունիսի զեկույցի՝ փախստականի կարգավիճակ է շնորհվել 46 անձի: Ամենաշատ դիմողերը եղել են Սիրիայից՝ 33 քաղաքացի, 4 քաղաքացի դիմել է Ադրբեջանից, որից 2-ը երեխաներ են: 2017թ.-ի հունվար-հունիս ամիսներին, ժամանակավոր ապաստան է հայցել 55 անձ: Կրկին դիմողների մեծ մասը Սիրիայից է:
Ի դեպ, Կառավարության 60 հազարական դրամները կստանան փախստական ճանաչված և ապաստան ստացած անձանցից միայն նրանք, ովքեր, ըստ օրինագծի, կունենան ինքնասպասարկման ապահովման ունակություն, վերջին հինգ տարիներին բնակելի տարածքի առքուվաճառքով զբաղված չեն լինի և կունենան անապահովության 0-ից բարձր միավոր:
Լիլիթ Շաբոյան
