08.04.2026 | 23:33
Հայաստանը տարածաշրջանում առաջատարն է The Economist-ի Ժողովրդավարության ինդեքսի համաձայն
ԱԱԾ-ից ես ինքս եմ դուրս գալիս, ինձ պաշտոնանկ չեն անում. Միքայել Համբարձումյան
Քաղաքականություն
08.11.2020 | 16:06
ԱԱԾ֊ից ես ինքս եմ դուրս գալիս, ինձ պաշտոնանկ չեն անում. այս մասին Factor.am-ի հետ զրույցում ասաց ԱԱԾ տնօրենի պաշտոնակատար Միքայել Համբարձումյանը՝ պատասխանելով հարցին, թե ինչու է վարչապետը նախագահին առաջարկել, որ իրեն պաշտոնանկ անեն։
«Ես երբ նպատակահարմար գտնեմ, հայտարարություն կտարածեմ»,- ասաց նա։
Factor.am-ի հստակեցնող հարցին, իսկ որպես ԱԱԾ տնօրենի տեղակալ շարունակելո՞ւ է պաշտոնավարել, Միքայել Համբարձումյանն ասաց՝ «ոչ»։
Հիշեցնենք՝ քիչ առաջ հայտնի դարձավ, որ նախագահը վարչապետից առաջարկություն է ստացել Միքայել Համբարձումյանին աշխատանքից ազատել։ Համբարձումյանն այս պաշտոնում աշխատեց ընդամենը մեկ ամիս, նա փոխարինել էր Արգիշտի Քյարամյանին։
Նարեկ Կիրակոսյան
