09.06.2026 | 20:55
Հայաստանի հավաքականը բաց թողեց հաղթանակը Մոլդովայի դեմ խաղում
Զինվորական համազգեստի գները բարձրացել էին վերավաճառողների կողմից. ՏՄՊՊՀ նախագահ. ՏԵՍԱՆՅՈՒԹ
Տնտեսություն
03.11.2020 | 19:39
«Երբ տեղեկություն ստացանք, որ զինվորական համազգեստների գներն աճել են, անմիջապես փորձեցինք հասկանալ՝ ինչու է դա տեղի ունեցել։ Բնականաբար, մենք նայում ենք մասնագիտացված խանութները: Հայտնաբերել ենք՝ ապրանքը, որ վաճառվում էր «X» դրամով, չէր թանկացել, կային դեպքեր, որ էժանացրել էին»,- այսօր խորհրդարանում լրագրողների հետ զրույցում ասաց ՏՄՊՊՀ նախագահ Գեղամ Գևորգյանը՝ անդրադառնալով ռազմական դրության ընթացքում զինվորական համազգեստի գնի բարձրացմանը։
Նա նշեց, որ այլ խնդիրը է, երբ որոշ դեպքերում այդ տնտեսվարողներից ձեռք բերած ապրանքը որոշ մարդիկ վերավաճառել են, նրանք տնտեսվարող սուբյեկտ չեն համարվում և մեր դաշտից դուրս են:
«Դրա համար մենք հրապարակեցինք մասնագիտացված խանութներից ստացված գները, որպեսզի մարդիկ իմանան՝ որտեղ ինչ գնով է վաճառվում՝փորձելով զսպել որոշ անձանց ախորժակները։
Երբեմն ապրանքների ճիշտ համեմատական պետք է արվի։ Մի դեպք ունենք, երբ խոսքը զինվորական ճտքավոր կոշիկի գնի բարձրացման մասին էր, թե 9000-ից գինը հասել է 19000-ի, բայց պարզվեց, որ կա և՛ 9000 դրամանոց, և՛ 19000 դրամանոց ճտքավոր կոշիկ»,- ասաց Գևորգյանը:
Մանրամասները՝ տեսանյութում:
