09.02.2026 | 23:09
V-BAT հետախուզական ԱԹՍ-ը՝ Հայաստանում. Պապիկյանը՝ ՀՀ-ԱՄՆ համագործակցության մեկնարկի մասին
ՌԴ ԱԳՆ-ն մեկնաբանել է ԼՂ-ում սկանդինավյան խաղաղապահներ մտցնելու գաղափարը
Քաղաքականություն
02.11.2020 | 15:06
Մոսկվան ամբողջական տեղեկություններ չունի Լեռնային Ղարաբաղում սկանդինավյան երկրներից խաղաղապահների տեղակայման գաղափարի մասին, սակայն, ամեն դեպքում, բոլոր չափանիշները պետք է համաձայնեցվեն հակամարտող կողմերի հետ։ Նման հայտարարություն է արել ՌԴ ԱԳ փոխնախարար Անդրեյ Ռուդենկոն, փոխանցում է ՌԻԱ Նովոստին։
«Պետք է ամերիկացիներին հարցնել, թե որտեղից են վերցրել այդ առաջարկը, միտքը։ Հնարավոր մեխանիզմների բոլոր անհրաժեշտ չափանիշները պետք է համաձայնեցվեն հակամարտող կողմերի հետ խորհրդակցությունների արդյունքում»,- հայտարարել է Ռուդենկոն։
Ավելի վաղ ԱՄՆ նախագահի ազգային անվտանգության հարցերով խորհրդական Ռոբերտ Օ’Բրայենը հայտարարել էր, թե Վաշինգտոնը սկանդինավյան երկրների հետ աշխատում է Լեռնային Ղարաբաղ խաղաղապահ առաքելության հնարավոր ուղարկման շուրջ, որը կարող է տեղակայվել տարածաշրջանում՝ զինադադարի պահպանման համար: Նրա կարծիքով՝ ԵԱՀԿ Մինսկի խմբի համանախագահող երկրները, ներառյալ՝ ԱՄՆ-ն կամ հարևան երկրները, չպետք է ներառվեն որևէ զինված խաղաղապահ ուժերի կազմում, Թուրքիայի խաղաղապահ դերն էլ ԱՄՆ-ի և Հայաստանի համար հարմար տարբերակ չէ:
Տաթև Ֆռանգյան
